გარემოს დაცვისა და სოფლის მეურნეობის მინისტრის მოადგილე ოთარ შამუგია გერმანიის ფედერაციული რესპუბლიკის საგანგებო და სრულუფლებიან ელჩს საქართველოში, ჰუბერტ ქნირშს შეხვდა.

შეხვედრაზე, ოთარ შამუგიამ ელჩს სატყეო სექტორში, ბიომრავალფეროვნებისა და დაცული ტერიტორიების მიმართულებით განხორციელებულ პროექტებში მხარდაჭერისთვის მადლობა გადაუხადა. მინისტრის მოადგილემ ევროპის ქვეყნებში და მათ შორის გერმანიაში აგროსასურსათო პროდუქციის ექსპორტის ზრდაზეც გაამახვილა ყურადღება.

როგორც ჰუბერტ ქნირშმა შეხვედრაზე აღნიშნა, შემოდგომაზე, გერმანიაში აგროსასურსათო პროდუქტების გამოფენა იგეგმება. ელჩმა იმედი გამოთქვა, რომ ხარისხიანი ქართული პროდუქციის პოპულარიზაციის მიზნით, გამოფენაში საქართველოდან რაც შეიძლება მეტი მწარმოებელი მიიღებს მონაწილეობას.

ოთარ შამუგიამ გერმანიის ელჩს ახლდაშექმნილი მიწის მდგრადი მართვისა და მიწათსარგებლობის მონიტორინგის ეროვნული სააგენტოს საქმიანობისა და სამომავლო გეგმების შესახებაც მიაწოდა ინფორმაცია და აღნიშნა, რომ გერმანიის რესპუბლიკის მიწის მდგრად მართვასთან დაკავშირებული პრაქტიკის გაზიარება, ამ მიმართულებით კვალიფიციური კადრების მომზადება-გადამზადება, სააგენტოსთვის ძალიან  მნიშვნელოვანი მხარადაჭერა იქნება

შეხვედრაზე საუბარი შეეხო ირიგაციის, საძოვრების მართვის, მეღვინეობისა და ასევე, კაკლოვანი კულტურების მიმართულებით თანამშრომლობის საკითხებს.

როგორც ჰუბერტ ქნირშმა შეხვედრაზე განაცხადა, საქართველო გერმანიის რესპუბლიკის მნიშვნელოვანი პარტნიორია. ელჩმა მიწის მდგრადი მართვის მიმართულებით გერმანიის გამოცდილების გაზიარებისა და  ფერმერთა პროფესიული და კვალიფიკაციის ამაღლების კუთხით საქართველოს მხარდაჭერის მზადყოფნა გამოთქვა.

ავტორი: NS (სტატია დაფინანსებულია),

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა