„ცენტრ პოინტის“ ერთ-ერთმა დამფუძნებელმა, რუსუდან კერვალიშვილმა პენიტენციური დაწესებულება დატოვა. 

როგორც მან საპატიმროს დატოვების შემდეგ ჟურნალისტებთან განაცხადა, თანამშრომლობენ მერიასთან, პროკურატურასთან და ელოდებიან საპროცესო შეთანხმებას.

„განცდა ძალიან დიდ მაქვს. ერთი მაქვს სინანული, რომ ის ადამიანები, ვინც ჩვენ გვენდო წლების განმავლობაში, დაზარალდნენ ჩვენთან ერთად. სამწუხაროდ, ჯერ კიდევ არ მოხერხდა, მიუხედავად იმისა, რომ 5 წელიწადია მაია აქ არის და მე 4 წელი, რომ პრობლემა დასრულდეს. ახლა იმედი მოგვეცა, რომ მშენებლობა ერთ თვეში დაიწყება მერიასთან ერთად.

ჩვენი ამოცანა ერთია, ყველა ადამიანი ბედნიერი იყოს, შევიდეს თავის ბინაში და მიიღოს თავისი ქონება. მხოლოდ ამის მერე ვიქნებით მართლა თავისუფლები და ბედნიერები. ყველასთან ვთანამშრომლობთ, პირველ რიგში, მერიასთან მაია თანამშრომლობს, პროკურატურასთან ვთანამშრომლობთ და შესაბამისად, საპროცესო გარიგებას ველოდებით“, - განაცხადა კერვალიშვილმა.

ცნობისთვის, რუსუდან კერვალიშვილმა 4-წლიანი სასჯელი სრულად მოიხადა. ის „ცენტრ პოინტის“  ხელმძღვანელთან, მაია რჩეულიშვილთან ერთად თაღლითობისა და მენაშენეთა კუთვნილი თანხების მითვისებაში დამნაშავედ არის ცნობილი.

ავტორი: ექსპრესნიუსი,

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა