„ტელეკომპანიას პირველის“ საინფორმაციო სამსახურის უფროსი, ნოდარ მელაძე და ჟურნალისტი მაკა ჩიხლაძე სავარაუდო ლიკვიდაციის საქმეზე შინაგან საქმეთა სამინისტროში ადვოკატთან ერთად მივიდნენ.

როგორც უწყებაში შესვლამდე ნოდარ მელაძემ განაცხადა, მათი როგორც გამომძიებელი ჟურნალისტების ლიკვიდაცია „ქართული ოცნების“ ლიდერის, ბიძინა ივანიშვილის ინტერესებშია.

„ჩვენზე თავდასხმა და გამომძიებელი ჟურნალისტების განეიტრალება დღეს იმ საჯარო მუქარებიდან გამომდინარე, რა თქმა უნდა, შედის „ქართული ოცნების“ ლიდერის, ბიძინა ივანიშვილის ოჯახის ინტერესში. ჩვენ მუქარები მივიღეთ მათი ოჯახის უსაფრთხოების სამსახური მაღალჩინოსნის მხრიდან“, - განაცხადა ნოდარ მელაძემ.

მედიასთან კომენტარი გააკეთა მაკა ჩიხლაძემაც, რომელმაც აღნიშნა, რომ აინტერესებს დაიკითხა თუ არა საქმის ფიგურანტი ლევან მამალაძე.

„მართლა მაინტერესებს ლევან მამალაძე თუ დაკითხეს და რას ეყრდნობოდა ის, როდესაც ამ განცხადებას აკეთებდა, იმიტომ, რომ ჩვენი დაკითხვით რეალურად ბევრს ვერაფერს მიიღებენ“, - განაცხადა მაკა ჩიხლაძემ.

შეგახსენებთ, რომ საქმე ეხება „იმედის" ეთერში ლევან მამალაძის მიერ გაკეთებულ განცხადებას, რომ ჟურნალისტების, ნოდარ მელაძისა და მაკა ჩიხლაძის ლიკვიდაცია იგეგმებოდა, სადაც მონაწილეობდა საქართველოს მესამე პრეზიდენტი, მიხეილ სააკაშვილიც.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები