„ტვ პირველის“ ჟურნალისტები ნოდარ მელაძე და მაკა ჩიხლაძე დღეს შინაგან საქმეთა სამინისტროში არიან დაბარებული.

ნოდარ მელაძის განცხადებით, საგამოძიებო უწყებაში ორივე ჟურნალისტს სიცოცხლის სავარაუდო ხელყოფის საქმეზე გამოკითხავენ.

„დღეს მე და ჟურნალისტი მაკა ჩიხლაძე ვართ დაბარებული შინაგან საქმეთა სამინისტროში. საქმე ეხება ჩვენი სიცოცხლის სავარაუდო მოსპობის საქმეზე მიმდინარე გამოძიებას. მას შემდეგ, რაც შინაგან საქმეთა სამინისტრომ ამ თემაზე ინფორმაცია მოგვაწოდა გონივრული ვადა არის გასული. დღეს რომ მივალ პირველი კითხვა რაც მექნება, მაინტერესებს რა გამოიძიეს, რა დაადგინეს და ვისგან მომდინარეობდა საფრთხეები. იცით, რომ შაბათის საგამოძიებო რეპორტაჟის მეორე ნაწილის ეთერში გასვლის შემდეგ უკვე ჩვენი და პირადად ჩემი ოჯახის წევრებზე წამოვიდა ღია მუქარა კონკრეტული ადამიანების მხრიდან. ეს არის ბერა ივანიშვილის უსაფრთხოების სამსახური. იმედი მაქვს, რომ შინაგან საქმეთა სამინისტროს ამ თემაზე უკვე აქვს მოპოვებული მასალები და ალბათ, დაკითხვების სერიაც ექნებათ დაწყებული“, - განაცხადა ნოდარ მელაძემ.

ჟურნალისტები საგამოძიებო უწყებაში 16:30 საათზე არიან დაბარებულები.

ცნობისთვის, შინაგან საქმეთა სამინისტრომ  მიმდინარე წლის 11 მარტს, „ტელეკომპანია პირველის“ ჟურნალისტების, ნოდარ მელაძისა და მაკა ჩიხლაძის განზრახ მკვლელობის მომზადების მუხლით გამოძიება დაიწყო (სსკ-ის 18-109-ე).

ავტორი: ექსპრესნიუსი,

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები