საქართველოსა და აზერბაიჯანის რესპუბლიკას შორის არსებულ საზღვარზე დავით გარეჯის სადავო საკითხთან დაკავშირებით საქართველოს თავდაცვის მინისტრმა ყოფილი ხელისუფლების ქმედებებზე „ქართული არხის“ გადაცემაში „უცნობის კიდობანი“ ისაუბრა. როგორც ირაკლი ღარიბაშვილმა განაცხადა, ეს არის საერთო ეროვნული საკითხი და ყველა, ვინც ანტისახელმწიფოებრივ, ანტიეროვნულ ქმედებას ჩაიდენს, პასუხისგებში უნდა მიეცეს და უმკაცრესა დაისაჯოს.

„ეს საქმე არის საერთო ეროვნული საკითხი, რომელიც აუცილებლად უნდა მივიდეს ბოლომდე. მთელი გუნდი არის ამ პათოსით გამსჭვალული. როდესაც ორგანიზაცია არის ბრალდებული სახელმწიფო ღალატში თუ ტერიტორიების გადაცემაში სხვა მესამე უცხო ქვეყნისთვის, ეს უნდა იყოს, არის და იქნება საფუძველი იმისა, რომ ეს ორგანიზაცია, როგორც პოლიტიკური პარტია გაუქმდეს და ყველა ის დამნაშავე, ვინც ქვეყნისა და ხალხის წინაშე ეს სიბინძურე და ანტიეროვნული დანაშაული ჩაიდინა, იქნას მიცემული პასუხისგებაში და უმკაცრესად დაისაჯოს“, - განაცხადა თავდაცვის მინისტრმა.

დავით გარეჯის სადავო საკითხთან დაკავშირებით ირაკლი ღარიბაშვილმა საერთაშორისო ორგანიზაციის წინასწარ დასკვნაზეც ისაუბრა და განაცხადა, რომ აზერბაიჯანული მხარე მზადაა დიალოგისთვის: „აბსოლუტურად ნეიტრალური, ობიექტური, მიუკერძოებელი ავტორიტეტული საერთაშორისო ორგანიზაცია, რომელმაც წინასწარი დასკვნა დადო, თქვა, რომ საქართველოს უნდა გამოეყენებინა მხოლოდ და მხოლოდ 1938 წლის რუკა ამ შეთანხმების დროს.  ადამიანი რომ გეტყვის მოღალატე ხარო და შენ პასუხს არ სცემ, არგუმენტირებულად გისაბუთებს, რომ მოღალატეა ეს ადამიანი და იქიდან არავითარი კონტრარგუმენტი არ არსებობს, ეს ჩემთვის არის უკვე ნათელი, ისინი ამას ღებულობენ როგორც არის. ჩვენს ამ რადიკალურ თუ მტრულ, ანტიეროვნულ ძალას, მოღალატეთა გაერთიანებას აქვს ერთადერთი მიზანი, მათი მცდელობა რაც იყო თავიდანვე, როდესაც აწიეს ტემპერატურა, რომ ეს რა ხდება, აზერბაიჯანთან კონფლიქტს იწყებთ, ეს რა თქმა უნდა არ გამოუვიდათ, რადგან თვითონ პრეზიდენტის პოზიცია გაახმოვანა პრეზიდენტის მრჩეველმა, ბატონმა ჰაჯიევმა - ვიმსჯელოთ და ჩვენ მივიღეთ სიგნალები, რომ მზად არიან დიალოგისთვის“.

ავტორი: NS (სტატია დაფინანსებულია),

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად