2020-08-07 17:48:27, 3270 ნახვა
მსოფლიო
ბეირუთში აფეთქების შედეგად გარდაცვლილთა რაოდენობა 154-მდე გაიზარდა
ლიბანის დედაქალაქ ბეირუთში აფეთქების შედეგად გარდაცვლილთა რაოდენობა 154-მდე გაიზარდა.
ამის შესახებ ინფორმაციას „როიტერსი“ აქვეყნებს.
აფეთქების შედეგად დაშავებულთა რაოდენობა 5000-ს აღემატება, ასობით ადამიანი კი დაკარგულად ითვლება. ამ დრომდე მიმდინარეობს დაკარგული პირების სამძებრო სამუშაოები.
ცნობისთვის, ლიბანის დედაქალაქ ბეირუთში 4 აგვისტოს ძლიერი აფეთქება მოხდა. ლიბანის პრეზიდენტის განცხადებით, საწყობში, რომელიც აფეთქდა, 2 750 ტონა ამონიუმის ნიტრატი იყო. რაც შეეხება საწყობს, იქ უსაფრთხოების წესები დაცული არ იყო.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
