2020-07-11 11:59:55, 3630 ნახვა
მსოფლიო
აია-სოფია მუსლიმი მორწმუნეებისთვის 24 ივლისს გაიხსნება
აია-სოფია მორწმუნეებისთვის 24 ივლისს გაიხსნება, - ამის შესახებ თურქეთის პრეზიდენტმა რეჯეფ თაიფ ერდოღანმა განაცხადა.
მისივე თქმით, აია-სოფიას კარი თურქებისთვის, უცხოელებისთვის, მუსლიმებისთვისა, თუ არამუსლიმებისთვის - ყველასთვის ღია იქნება.
მან ასევე მოუწოდა ყველას, პატივი სცენ თურქეთის ხელისუფლების გადაწყვეტილებას აია-სოფიასათვის მინიჭებულ სტატუსთან დაკავშირებით.
„გირჩევთ, პატივი სცეთ ჩვენი ქვეყნის სასამართლო და აღმასრულებელი ორგანოს მიერ მიღებულ გადაწყვეტილებას აია-სოფიასთან დაკავშირებით", - განაცხადა ერდოღანმა.
ცნობისთვის, გუშინ, თურქეთის უმაღლესმა სასამართლომ აია-სოფიას გაუუქმა მუზეუმის სტატუსტი, რაც ნიშნავს, რომ დაშვებული გახდა მისი მეჩეთად გადაკეთება.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
