საქალაქო სასამართლოში, "მთავარი არხის" მეწილეს, გიორგი რურუას სასამართლო პროცესი მიმდინარეობს. საქმეში ორი მოწმის დაკითხვა და დაცვის მხარის მტკიცებულების განხილვაა დაგეგმილი. 
გიორგი რურუას ადვოკატის განცხადებით, ისინი დღეს შუამდგომლობის დაყენებას არ გეგმავენ, თუმცა პირველი შესაძლებლობისთანავე ახალი გარემოებების გამოკვეთის შემთხვევაში ისინი ამ შესაძლებლობას გამოიყენებენ.
"მოწმეთაგან ერთ-ერთი არის გამომძიებელი, სოსო ტვილდიანი, რომელიც შესული იყო რურუას საკანში და მან შეადგინა ყალბი საპროცესო დოკუმენტები, კერძოდ ამოღების ოქმი, სწორედ მან მიუთითა, რომ თითქოსდა დალუქა ნივთები საკანში, მაშინ როდესაც კადრში გამოჩნდა რომ ნივთები არ დალუქულა და უბრალოდ პარკში ჩაყარეს და გაიტანეს საკნიდან. საერთოდ არ შედგენილა ოქმი ადგილზე და გიორგისთვის ხელმოწერა არ შეუთავაზებიათ.
დღეს არ ვგეგმავთ შუამდგომლობის დაყენებას აღმკვეთი ღონისძიების შეცვლასთან დაკავშრებით, ვინაიდან ჩვენ წინა სხდომაზე დავაყენეთ და მივიღეთ დაუსაბუთებელი უარი, თუმცა მოსალოდნელია თუ სასამართლო პროცესზე გამოიკვეთება რამე ახალი გარემოება ჩვენ ამ შესაძლებლობას გამოვიყენებთ და შუამდგომლობას დავაყენებთ", - განაცხადა, დიტო საძაგლიშვილმა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა