2020-05-11 14:07:50, 1360 ნახვა

---

ბოკერია - ინაშვილს მაინც დაუჯერონ, ადამიანი გამოვიდა და თქვა არ მოვაწერე ხელი, რადგან პოლიტპატიმრების გათავისუფლებაზე იყო საუბარიო

 „ევროპული საქართველოს“ ლიდერი გიგა ბოკერია მოუწოდებს მმართველ გუნდს, რომ თუ არავისი არ სჯერათ ირმა ინაშვილს მაინც დაუჯერონ, ადამიანი გამოვიდა და თქვა არ მოვაწერე ხელი იმიტომ, რომ პოლიტპატიმრების გათავისუფლებაზე და კონკრეტულ სახელებზე იყო ლაპარაკიო.

მისი თქმით, პროგრესია მიღწეული, რადგან იქამდე იძახდნენ საერთოდ არ ყოფილა პოლიტპატიმრების საკითხზე ლაპარაკიო, ახლა ამბობდნენ ლაპარაკი იყო, მაგრამ არ დავთანხმდითო.

„პროგრესია, იქამდე იძახდნენ საერთოდ არ ყოფილა პოლიტპატიმრების საკითხზე ლაპარაკიო, ახლა ამბობდნენ ლაპარაკი იყო, მაგრამ არ დავთანხმდითო.

მინდა მათ მივმართო, თუ არც ჩვენი, არც აშშ-ს საელჩოს განცხადების, არც ევროკავშირისა და მათი ლიდერების არ სჯერათ, ირმა ინაშვილს მაინც დაუჯერონ, ადამიანი გამოვიდა და თქვა არ მოვაწერე ხელი იმიტომ, რომ პოლიტპატიმრების გათავისუფლებაზე და კონკრეტულ სახელებზე იყო ლაპარაკიო. ერთხელ სიმართლე თქვა ამ ადამიანმა და მაშინაც არ უჯერებენ“, - განაცხადა გიგა ბოკერიამ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი