ტროლებისა და ბოტებისთვის არავის სცალია, რადგან მთავრობა გადართულია კორონავირუსთან ბრძოლაზე, - ასე გამოეხმაურა თბილისის მერი კახა კალაძე, facebook-ის მიერ ყალბი ანგარიშების გაუქმების საკითხს.

მისი თქმით, ჩნდება კითხვები, თუ ვის აწყობს ამ ყველაფრის გაკეთება.

„ბევრი განცხადება კეთდება ამ ყველაფერთან დაკავშირებით. ჩვენ ნამდვილად არ გვჭირდება ტროლები და ბოტები. მთელი სახელმწიფო იმაზეა გადასული, როგორ მოაგვაროს კორონავირუსის პრობლემა. უბრალოდ, ისმის კითხვა, ვის აწყობს ეს ყველაფერი“, - განაცხადა კახა კალაძემ.

ცნობისთვის, Facebook-მა გუშინ 5 მაისს, „ქართული ოცნების“ პიარ კონსულტანტის, კოკა ყანდიაშვილის, მიერ შექმნილი „ესპერსონა“ და მასთან დაკავშირებული ასობით ანგარიში არაავთენტური ქცევის გამო გააუქმა.

ამასთან, Facebook-მა გააუქმა ქართული ანგარიშების კიდევ ერთი ქსელი, რომელიც ერთიან ნაციონალურ მოძრაობასთან იყო დაკავშირებული.

ჯამში, სოციალური ქსელის გიგანტმა „ესპერსონასთან“ დაკავშირებული 511 გვერდი, 101 პროფილი, 122 ჯგუფი და 56 Instagram-ანგარიში წაშალა.

ავტორი: ექსპრესნიუსი,

სოციალური ქსელები

რთული მეტეოროლოგიური პირობების გამო, აჭარის რეგიონში მატარებლების გადაადგილება შეფერხებულია

საფრანგეთის პრეზიდენტობის კანდიდატი ლეპენი მკვეთრად აკრიტიკებს რუსეთს

ზელენსკიმ რუსეთის წინააღმდეგ შორი დისტანციის დარტყმების გაფართოების შესახებ განაცხადა

პუტინმა ცხინვალის რეგიონში მის მარიონეტ მარატ კამბოლოვს ე.წ არჩევნებში გამარჯვებას ულოცავს