2020-05-06 10:31:43, 1174 ნახვა

---

ვოლსკი: თუ უკრაინაში არ იციან, რომ სააკაშვილის მმართველობა იყო დესპოტური მართვის მაგალითი, ძალიან რთული ხვალინდელი დღე გველის ორმხრივ ურთიერთობაში

 „თუ უკრაინაში არ იციან, რომ სააკაშვილის მმართველობა იყო დესპოტური მართვის ყველაზე თვალსაჩინო მაგალითი ისტორიაში, ჩვენ ძალიან რთული ხვალინდელი დღე გველის ორმხრივ ურთიერთობაში“, - ამის შესახენ პარლამენტის თავმჯდომარის პირველმა მოადგილემ, გიორგი ვოლსკიმ ტვ „იმედის" ეთერში განაცხადა.

მისი შეფასებით, მიხეილ სააკაშვილი იმპულსური, დაუგეგმავად მოქმედი პირია, რომელმაც საქართველოს მძიმე მემკვიდრეობა დაუტოვა.

„ერთი რამ შემიძლია ვთქვა დადასტურებულად: დანაწევრებული საქართველო, მოსახლეობის ნახევარი სიღარიბის ზღვარს ქვევით, სოციალური პაკეტი ნულზე, სოფელი განადგურებული, და იმ ადამიანების დიდი ჯგუფი, რომლებმაც დაკარგეს სახლ-კარი, ჯანმრთელობა, ქონება - აი, რაც დაგვიტოვა სააკაშვილმა. ეს იყო ინდივიდუალური და  დესპოტური მართვის ყველაზე თვალსაჩინო მაგალითი ისტორიაში. აქ იმის გაანგარიშება, თუ რა როლს თამაშობს სააკაშვილი დღეს უკრაინისთვის, უფრო ექსპერტთა გუნდის ვალდებულებაა. და თუ უკრაინაში  ეგ არ იციან, ჩვენ ძალიან რთული ხვალინდელი დღე გველის ორმხრივ ურთიერთობაში", - აღნიშნა გიორგი ვოლსკიმ​.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი