მეშველიანი - ბოლნისის მუნიციპალიტეტის სოფელ მუშევანიდან კორონავირუსით ინფიცირებული პირები საავადმყოფოში ჯერჯერობით არ გადაუყვანიათ

2020-05-02 13:11:03, 2031 ნახვა

კომენტარი

ბოლნისის მუნიციპალიტეტის სოფელ მუშევანიდან კორონავირუსით ინფიცირებული პირები საავადმყოფოში ჯერჯერობით არ გადაუყვანიათ, - აღნიშნულის სესახებ ბოლნისის მაჟრიტარმა დეპუტატმა გოგი მეშველიანმა განაცხადა.

მისი თქმით, მათ გადაყვანა საავადმყოფოში დღის ბოლომდე მოხდება.

„გუშინ აქ გარკვეული დაპირისპირება მოხდა საექიმო ჯგუფსა და ადგილობრივ მოსახლეობას შორის. რომლებიც ცდილობდნენ ინფიცირებული პირის გადაყვანას სამკურნალო დაწესებულებაში.თვითონ ოჯახს ჰქონდა გარკვეული შედეგები. ფაქტობრივად ამ მ ოჯახთან შეთანხმება მიღწეული იქნა. თუმცა ნასვამი ახალგაზრდების ჯგუფსა და სამედიცინო ჯგუფს შორის მოხდა დაპირისპირება და იყო გარკვეული აგრესიული ქმედებები. თუმცა დაზარალებული ფიზიკურად არავინ არ გახლავთ. დღეს ჩენ მივალთ და ოჯახს გავესაუბრებით, რომ მათი მკურნალობა პირველ რიგში არის მათსავე ინტერესში და ისინი გადაყვანილნი იქნებიან საუკეთესო კლინიკაში“, - განაცხადა გოგი მეშველიანმა.

შეგახსენებთ, რომ გუშინ ბოლნისის მუნიციპალიტეტის სოფელ მუშევანში სამედიცინო პერსონალს ადგილობრივები დაუპირისპირდნენ. მათ კორონავირუსით ინფიცირებული პირების გადაყვანის საშუალება არ მისცეს.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან