2020-04-28 09:29:51, 1454 ნახვა

---

ჩიქოვანი - საზოგადოებრივი ტრანსპორტის მოძრაობა აღდგება, როგორც კი ამის საშუალებას მოგვცემს ქვეყანაში არსებული ეპიდემიოლოგიური ვითარება

საზოგადოებრივი ტრანსპორტის მოძრაობის აღდგენის გადაწყვეტილებას მივიღებთ, როგორც კი ამის საშუალებას მოგვცემს ქვეყანაში არსებული ეპიდემიოლოგიური ვითარება, - ამის შესახებ საქართველოს პრემიერ-მინისტრის მრჩეველმა საერთაშორისო ურთიერთობათა საკითხებში ირაკლი ჩიქოვანმა „საზოგადოებრივი მაუწყებლის" ეთერში ჩართვისას განაცხადა.

პრემიერის პრესსპიკერის თქმით, კოვიდ-19 არის ისეთი მოვლენა, რომელთანაც მთელს მსოფლიოს ცხოვრების წესის ადაპტირება უწევს.

„საზოგადოებრივი ტრანსპორტი არის შეზღუდვის ძალიან მსხვილი ასპექტი, რომლის მოხსნაც იქნება ძალიან მნიშვნელოვანი, ამიტომაც ის არ დავუკავშირეთ არც ერთ ეტაპს, რომელიც მთავრობის მხრიდან ეკონომიკის გახსნისა და შეზღუდვების შემსუბუქების თვალსაზრისით იყო წარმოდგენილი, მაგრამ ამაზე ვფიქრობთ. ჩვენ ამ გადაწყვეტილებას მივიღებთ, იმის მიუხედავად, ღონისძიებების შემსუბუქების რომელი ეტაპი იქნება, თუ ამის შესაძლებლობას მოგვცემს ქვეყანაში არსებული ეპიდემიოლოგიური ვითარება", - აღნიშნა ირაკლი ჩიქოვანმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი