2020-04-27 19:21:01, 1534 ნახვა

---

კალაძე მერაბიშვილის ინტერვიუზე - ინტერვიუმ ცხადად დაგვანახა ვისთან გვქონდა საქმე და რა ხალხი მართავდა ქვეყანას

„მერაბიშვილის ინტერვიუმ სრული სიცხადითა და “ბრწყინვალებით” დაგვანახა, თუ ვისთან გვქონდა საქმე, რა ხალხი მართავდა ქვეყანას და რა საფრთხე დაემუქრება საქართველოს, თუკი ამ ხალხს ძალაუფლების ხელში ჩაგდებისა და ხელისუფლებაში მოსვლის შესაძლებლობა  მიეცემა“,- ასე შეაფასა თბილისის მერმა კახა კალაძემ ტელეკომპანია იმედის ეთერში ჩართვისას, ყოფილი შინაგან საქმეთა მინისტრის ინტერვიუ.

 

კახა კალაძის განცხადებით, მერაბიშვილის ინტერვიუს ჩვენება გარკვეულწილად სასარგებლოც კი  იყო.

 

„მერაბიშვილის ინტერვიუს ჩვენება ძალიან სასარგებლო იყო და ამისთვის მადლობა უნდა ვუთხრათ მის ორგანიზატორებს, რადგანაც დროის გასვლის, ასაკის, ზოგიერთის მხრიდან განზრახ გულმავიწყობის, თუნდაც  “ქართული ოცნების” პროპაგანდის არქონის (იმედია ამას არ მიწყენენ ჩემი თანაგუნდელები),  თუ სხვა ფაქტორების გამო, ჩადენილი დანაშაულები ადამიანებს ავიწყდებათ. მერაბიშვილის ინტერვიუმ კიდევ ერთხელ დაადასტურდა, რომ არც ყოფილი შინაგან საქმეთა მინისტრი ვანო მერაბიშვილი, არც ნაციონალური მოძრაობის ორივე ფრთის წარმომადგენლები ერთი წამითაც არ განიცდიან სინანულს იმ სისასტიკის და იმ არაერთი მოსპობილი სიცოცხლის გამო, გაუბედურებული ოჯახების გამო,  რაც პირადად მათ გადაწყვეტილებებსა და ბრძანებებს უკავშირდება, იქნება ეს გირგვლიანის, რობაქიძის საქმე თუ აღარ გავაგრძელებ, სამწუხაროდ უამრავია ასეთი დაზარალებული და გაუბედურებული ოჯახი“,- განაცხადა კახა კალაძემ.

თბილისის მერის, კახა კალაძე სანდრო გირგვლიანის საქმეზეც გაამახვილა ყურადღება.

„ცინიზმის მწვერვალია, რომ გირგვლიანის საქმეზე საუბრისას, რომელშიც მერაბიშვილის ოჯახის წევრიც  ფიგურირებდა და მონაწილეობდა, მისი შეფასებით, გირგვლიანის ოჯახს უბრალოდ დისკომფორტი შეექმნა. გუშინდელ ეთერში მისი მხრიდან ლიკვიდაციაზე, ვითომ წამოცდენა, რეალურად სისტემის მართვის ერთ-ერთი ინსტრუმენტი იყო, ხოლო მერაბიშვილი და მისი ჯალათები ამ სისტემის ე.წ. ხერხემალი. ერთადერთი, რაც მათ ადარდებთ გამოიკვეთა გუშინ კარგად,  ის არის, რომ ქართველ ხალხზე უფრო მეტად არ იძალადეს და მათი აზრით, სწორედ ამიტომ ვერ მოახერხეს ხელისუფლების შენარჩუნება“,- განაცხადა კახა კალაძემ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი