თალაკვაძე - ის, რაც ჩვენი ოპონენტებისთვის არის ჯარიმა და სანქცია, ჩვენი მოქალაქეების ჯანმრთელობისთვის საფრთხეს წარმოადგენს

2020-04-24 16:33:21, 1526 ნახვა

კომენტარი

"ის, რაც ჩვენი ოპონენტებისთვის არის ჯარიმა და სანქცია, ჩვენი სხვა მოქალაქეების, საზოგადოების ჯანმრთელობისა და სიცოცხლისთვის საფრთხეს წარმოადგენს", - ამის შესახებ პარლამენტის თავჯდომარემ არჩილ თალაკვაძემ განაცხადა.

მანვე აღნიშნა, რომ თითოეული ჩვენგანის უპასუხისმგებლო დამოკიდებულებამ შესაძლოა მცირე ეპიდაფეთქება ან რეგიონის ჩაკეტვა გამოიწვიოს.

"ჩვენ უნდა გვესმოდეს ერთი მთავარი არგუმენტი, რომ ის, რაც ჩვენი ოპონენტებისთვის არის ჯარიმა და სანქცია, ჩვენი სხვა მოქალაქეებისთვის, საზოგადეობისთვის არის ჯანმრთელობისა და სიცოცხლისთვის მყისიერი საფრთხე.

თქვენ იცით, რომ ექიმებმა, ექთნებმა ეპიდემიოლოგებმა კოლოსალური სამუშაო გასწიეს ამ თვეების განმავლობაში. თქვენ ასევე იცით, თუ რამხელა არის რისკები თითოეული ჩვენთაგანის უპასუხისმგებლო დამოკიდებულების შემთხვევაში, რომ ამან შესაძლოა მცირე ეპიდაფეთქება ან რეგიონის ჩაკეტვა გამოიწვიოს", - განაცხადა არჩილ თალაკვაძე.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან