სალომე სამადაშვილი - გუშინ ვიხილეთ ივანიშვილების გამამხნევებელი ჰაკა, ჰიპ-ჰოპის თუ რეპის სტილში, მაგრამ საზოგადოებას მეტი სჭირდება

2020-04-22 13:16:21, 1549 ნახვა

კომენტარი

გუშინ ვიხილეთ ივანიშვილების ოჯახის გამამხნევებელი ჰაკა, ჰიპ-ჰოპის თუ რეპის სტილში, მაგრამ საზოგადოებას ბევრად მეტი სჭირდება, - ამის შესახებ, „ნაციონალური მოძრაობის“ ერთ-ერთმა წევრმა სალომე სამადაშვილმა, პარლამენტის რიგგარეშე პლენარულ სხდომაზე განაცხადა.

როგორც სამადაშვილმა აღნიშნა, მისთვის მიუღებელია შეხვედრის ფორმატი, სადაც არ იმყოფება პრემიერ-მინისტრი, ეკონომიკისა და ჯანდაცვის მინისტრები, რომლებთანაც საზოგადოებას კითხვები დაუგროვდა.

„გაოცებული ვარ, როგორც დღევანდელი შეხვედრის ფორმატით, ასევე იმ პროცედურით, რომლითაც განხილვა მიმდინარეობს, რადგან მილიონობით ჩვენი თანამოქალაქე სახლში გამოკეტილი, ყოველგვარი შემოსავლის გარეშე დარჩენილი, ელოდება ძალიან ბევრ შეკითხვაზე პასუხებს. დღეს აქ ვერ ვხედავთ, ვერც პრემიერ-მინისტრს, ვერც ჯანდაცვის, ვერც ეკონომიკის მინისტრებს, რომლებსაც უნდა დავუსვათ შეკითხვები, რაც დაუგროვდა საზოგადოებას.

გუშინ, ყველამ ვიხილეთ ივანიშვილების ოჯახის გამამხნევებელი ჰაკა, ჰიპ-ჰოპის უ რეპის სტილში, მაგრამ ვფიქრობ, რომ საზოგადოებას ბევრად მეტი სჭირდება. ქვეყანაში არის სრულიად არაორდინალური ვითარება“, - განაცხადა სალომე სამადაშვილმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან