2020-04-01 14:05:36, 1338 ნახვა
კომენტარი
პაატა იმნაძე - კორონავირუსით დაინფიცირებული ჩემი კოლეგა გმირია
დაავადებათა კონტრლის ეროვნული ცენტრის ხელმძღვანელის მოადგილე პაატა იმნაძე აცხადებს, რომ აჭარაში კორონავირუსით ინფიცირებული ექთანი გმირია, რადგან ის ემსახურებოდა პაციენტს, რომელიც იყო ფსიქიკურად დაავდებული.
მისივე თქმით, აღნიშნულის გამო ექთანს ჰქონდა გაძლიერებული ფიზიკური კონტაქტი პაციენტთან და მან ვერ შეძლო, რომ უშუალოდ დაცული ყოფილიყო.
„ჩემი კოლეგა არის გმირი, ის ემსახურებოდა პაციენტს, ფსიქიკურად დაავადებულ ადამიანს, რომელთანაც ფიზიკური კონტაქტი ჰქონდა გაძლიერებული. ამ ადამიანმა გააკეთა ყველაფერი, რომ მოევლო პაციენტისთვის და სამწუხაროდ, ვერ შეძლო, რომ უშუალოდ დაცული ყოფილიყო ამ პაციენტთან ფიზიკური კონტაქტისას. ჩემი ეს კოლეგა არის გმირი“, - განაცხადა პაატა იმნაძემ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
