„წარმომიდგენია რა დღეში არიან, იყვნენ და იქნებიან მოქალაქეები ეს სისტემა რომ დარჩეს,  ამიტომ მას ძირფესვიანად შევცვლით არჩევნების შემდეგ“, - ამის შესახებ პოლიტიკური გაერთიანება „ლელო საქართველოსთვის“ დამფუძნებელმა მამუკა ხაზარაძემ თბილისის საქალაქო სასამართლოში ჟურნალისტებს განუცხადა.

როგორც მან აღნიშნა, მათ წინააღმდეგ დაწყებული საქმე დიდი ხნის წინ უნდა შეწყვეტილიყო.

„ეს არის ბიძინა ივანიშვილის პოლიტიკურად მოტივირებული საქმე, რომელიც დაიწყო წელიწად ნახევარია ჩვენს წინააღმდეგ. სამწუხარო რეალობაა, რომ ქართული პროკურატურა არის ჯიბის პროკურატურა ისევე როგორც სასამართლო სისტემა. სამწუხაროდ, ამ ქვეყანას ზოგადად არ ეღირსა სამართალი. ჩვენ ყველაფერს ვაკეთებთ იმ პროგრამების განსახორციელებლად, რომლითაც ერთხელ და სამუდამოდ ადამიანის უფლებები იქნება დაცული. მე ჩემ თავზე მიწევს ამ აბსურდის მოსმენა და ამ საქმეში მონაწილეობა, ამ მგონილი საქმის მოსმენა. წარმომიდგენია რა დღეში არიან, იყვნენ და იქნებიან მოქალაქეები ეს სისტემა რომ დარჩეს. ამიტომ მას ძირფესვიანად შევცვლით არჩევნების შემდეგ. ეს საქმე უნდა შეწყვეტილიყო დიდი ხნის წინათ, არც უნდა დაწყებულიყო და მინდა ხმამაღლა განვაცხადო, თუ კიდევ უნდათ რომ შეინარჩუნონ რაღაც სახე, ეს საქმე სასწრაფოდ უნდა შეწყდეს,“ - განაცხადა მამუკა ხაზარაძემ.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის