პარლამენტის დამოუკიდებელი დეპუტატი ეკა ბესელია აცხადებს, რომ ის ზეპირი შეთანხმება, რომელსაც ოპოზიციამ მმართველ გუნდთან მიაღწია, კონტიტუციასა და საარჩევნო კოდექსში წერილობით უნდა იქნას ასახული.

როგორც ბესელია აღნიშნავს, ვიდრე კანონპროექტს სამივე მოსმენით არ მიიღებენ, მშვიდად ვერ იქნება.

„ის, რაც ზეპირი შეთანხმების სახით მოვისმინეთ, ეს ყველაფერი უნდა დაიდოს წერილობით და ოთხშაბათს უკვე უნდა დაიწყოს ინიცირების პროცესი როგორც კონსტიტუციაში, ასევე საარჩევნო კოდექსში. ამდენად, მნიშვნელოვანი ეტაპი იწყება და მე ვფიქრობ, რომ უნდა ვიყოთ ყურადღებით რათა ეს პროცესი ბოლომდე მივიდეს. ვიდრე სამივე მოსმენით მიღებული არ იქნება, მე პირადად ვერ ვიტყვი რომ მშვიდად ვარ“, - განაცხადა ეკა ბესელიამ.

შეგახსენებთ, რომ ხელისუფლებასა და ოპოზიციას შორის საარჩევნო მოდელზე შეთანხმება მიღწეულია. მმართველი გუნდი და ოპოზიცია 120/30-ზე მოდელზე, ერთპროცენტიან საარჩევნო და 40-პროცენტიან უმრავლესობის დასაკომპლექტებელ ბარიერზე შეთანხმდნენ.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის