საგარეო საქმეთა მინისტრის, დავით ზალკალიანის განცხადებით, ევროსაბჭოს მინისტრთა კომიტეტის სხდომის ჩატარების ადგილი დღეს გახდება ცნობილი.

როგორც ზალკალიანმა ჟენევაში ჟურნალისტებს განუცხადა, აღნიშნულ საკითხზე გადაწყვეტილებას დღეს, 26 თებერვალს სტრასბურგში, ევროპის საბჭოს მინისტრთა მოადგილეების შეხვედრაზე მიიღებენ.

„განვიხილეთ მინისტერიალის ჩატარების ყველა შესაძლო ვარიანტი და ვიმსჯელეთ, თუ როგორ უნდა მოხდეს მინისტერიალის ჩატარება ისე, რომ თავიდან ავიცილოთ სცენარების არასასურველი განვითარება. ამიტომ, ვრჩებით ძალიან ახლო კოორდინაციაში. 26 თებერვალს იქნება სტრასბურგში მინისტრთა კომიტეტების სხდომა და ხვალ იქნება საბოლოო გადაწყვეტილება მიღებული მინისტერიალის ჩატარების ადგილთან დაკავშირებით“, - განაცხადა დავით ზალკალიანმა.

შეგახსენებთ, რომ საქართველომ, როგორც ევროსაბჭოს თავმჯდომარე ქვეყანამ, მაისში ევროპის საბჭოს მინისტერიალს და ორგანიზაციის წევრი ქვეყნების დელეგაციებს უნდა უმასპინძლოს. გავრცელებული ინფორმაციით, რუსეთის დელეგაციას სერგეი ლავროვი უხელმძღვანელებს, რომელსაც „საქართველოს ოკუპირებული ტერიტორიების შესახებ“ კანონი რამდენჯერმე აქვს დარღვეული. თბილისში რუსეთის დელეგაციის შესაძლო ვიზიტს  ქართული საზოგადოების დიდი ნაწილისგან პროტესტი მოჰყვა, რის გამოც დღის წესრიგში ღონისძიების სტრასბურგში ჩატარების საკითხი დადგა.

ავტორი: ექსპრესნიუსი,

სოციალური ქსელები

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს