თბილისში აალებადი ნივთიერებებით და მეორადი საბურავებით ვაჭრობა აიკრძალება.

აღნიშნულის შესახებ კანონპროექტი თბილისის მერიამ მოამზადა.

როგორც თბილისის ვიცე-მერმა ირაკლი ხმალაძემ განაცხადა, საკრებულო უახლოეს დღეებში განსაზღვრავს იმ ადგილებს, რომლებსაც აღნიშნული აკრძალვა შეეხება.

რაც შეეხება ელიავას ბაზრობას, ვიცე-მერის თქმით, ამის თაობაზე  განცხადებას რამდენიმე კვირის განმავლობაში გააკეთებენ და საზოგადოებას მათ პოზიციას გააცნობენ.

„კანონპროექტი მომზადებული და მიღებულია. ის ითვალისწინებს, რომ საკრებულომ წესი დაადგინოს და განსაზღვროს ადგილები, სად არის დასაშვები რეალიზაცია და სად არ არის დასაშვები. ეს წესიც მომზადების პროცესშია და უახლოეს პერიოდში იქნება წარდგენილი საკრებულოსთვის.

რაც შეეხება აალებად და გარემოს დამაბინძურებელი საქონლით ეკონომიკურ საქმიანობას, ეს არ ეხება მხოლოდ ელიავას ბაზრობას და ეხება ყველა იმ ადგილს, სადაც ასეთი ტიპის საქონლით ვაჭრობა და გარემოს დაბინძურება, ასევე ნორმალური საცხოვრებლის პირობების დაზიანება ხდება“, - განაცხადა ირაკლი ხმალაძემ.

ავტორი: ექსპრესნიუსი,

სოციალური ქსელები

თიბისის მხარდაჭერით, ქართველი სტუდენტები ლისაბონის Web Summit-ზე გაემგზავრნენ

საქართველოს ბანკისა და LEAF-ის საერთაშორისო განათლების რეგიონული ტურის ფარგლებში მეორე შეხვედრა გორში ჩატარდა

ევროპელთა 70%-ზე მეტს ევროკავშირში საკუთარი არმიის შექმნა სურს

მოსკოვში აფეთქებული ყოფილი უკრაინელი ჩინოვნიკი რუსეთის დაზვერვის ოფიცერი აღმოჩნდა