"ვითიბი ბანკმა" ბარათების წამახალისებელი გათამაშების გამარჯვებულები გამოავლინა.

მთავარი პრიზის მფლობელები ბანკის მომხმარებლები - ნინო გელაშვილი და სალომე შატაკიშვილი გახდნენ. ისინი 2 ოქტომბერს დიდ ბრიტანეთში, რაგბის მსოფლიო ჩემპიონატზე გაემგზავრებიან და საქართველო-ახალი ზელანდიის მატჩს დაესწრებიან.

1 აპრილიდან „ვითიბი ბანკის“ Rugby Card-ის, ან ნებისმიერი სხვა ბარათის მფლობელი ავტომატურად ჩაერთო ბანკის წამახალისებელ გათამაშებაში. ბარათით ანგარიშსწორებისას, მომხმარებელი ყოველ 20, ან მეტ ლარიან ტრანზაქციაზე, 1 ბილეთს  იღებდა.

„ინგლისში, ქალაქ კარდიფში შედგება საქართველო-ახალი ზელანდიის ნაკრებების თამაში. როგორც მოგეხსენებათ, საქართველოს ნაკრები მსოფლიო თასის გათამაშებაში მონაწილეობს და ჩვენს ორ მომხმარებელს ეძლევა შესაძლებლობა, რომ დაესწროს ამ თამაშს. მოვუწოდებ ყველას, რომ ჩვენს ნაკრებს უგულშემატკივროს. ჩვენ ვართ რამდენიმე ფედერაციის გენერალური სპონსორი. ვცდილობთ, მაქსიმალურად დავეხმაროთ სპორტს, რადგან სპორტი ჩვენი ერის ჯასაღი მომავალია. ვეხმარებით ბავშვთა რაგბს, ბავშვთა ფეხბურთს, ასევე ეროვნული ნაკრების დონეზე ვეხმარებით რაგბის ფედერაციას, ტანვარჯიშის, ცხენოსნობის და წყალბურთის ფედერაციის სპონსორები ვართ,“ - განაცხადა „ვითიბი ბანკის“ ვიცე-პრეზიდენტმა გიორგი ბარკალაიამ.

შეგახსენებთ, „ვითიბი ბანკი“ რაგბის საქართველოს ეროვნული ნაკრების გენერალური სპონსორია. ამასთან, 1 აპრილიდან ბანკი მომხმარებელს სპეციალურად რაგბის მსოფლიო თასისთვის შექმნილ განსაკუთრებული დიზაინის ბარათს-Rugby Card სთავაზობს.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი ევროკავშირის ელჩ პაველ ჰერჩინსკის ღია წერილით მიმართავს

მეორე მსოფლიო ომის მონაწილეები ერთჯერადად 2 000 ლარს, ხოლო დაღუპულთა ოჯახების წევრები 1 000 ლარს მიიღებენ

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე