წულუკიანი: შოთაძე იყო კარგი მთავარი პროკურორი და მისი გადაწყვეტილება, გადადგომის შესახებ, მაშინაც არ მომწონდა

2020-01-17 13:47:58, 2123 ნახვა

პოლიტიკა

„მაშინ, ირაკლი შოთაძემ მართლა მიიღო ღირსეული გადაწყვეტილება, მაგრამ მე აღნიშნული გადაწყვეტილებ არ მომწონდა“, - ამის შესახებ იუსტიციის მინისტრმა, თეა წულუკიანმა ჟურნალისტებს განუცხადა.

წულუკიანის თქმით, მისთვის მისასალმებელია შოთაძის კანდიდატურა, რადგან ის იყო კარგი მთავარი პროკურორი, რომლის დროსაც პროკურატურაში ბევრი კარგი რეფორმა განხორციელდა.

„ირაკლი შოთაძე იყო მთავარი პროკურორი, რომლის დროსაც მე, როგორც იუსტიციის მინისტრმა დავინახე პროკურატურაში რეფორმები, დავინახე შეკრული პროკურორთა კორპუსი და დავინახე გაჰუმანურებული მართლმსაჯულების პროცესი, რომლის მხარეც და მონაწილეც არის ბრალდების მხარე, შესაბამისად მივესალმები ამ კანდიდატურის დაყენებას, ძალიან ბევრი ღირსეული და მნიშვნელოვანი გამოცდილების კანდიდატურა არის შეტანილი საბჭოს წინაშე, დაველოდოთ ყველა თუ რას გადაწყვეტს საბჭო, მაგრამ თქვენ ყველას გახსოვთ ჩემი ურყევი პოზიცია, რომ მაშინ ირაკლი შუთაძემ მართალია მიიღო ღირსეული გადაწყვეტილება, მაგრამ ეს გადაწყვეტილება მე არ მომწონდა“, - განაცხადა თეა წულუკიანმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან