რუსული მედიის ცნობით, ოკუპირებული აფხაზეთის ე.წ პრეზიდენტი რაულ ხაჯიბმა თანამდებობას ტოვებს

2020-01-13 10:25:58, 1210 ნახვა

პოლიტიკა

ოკუპირებული აფხაზეთის დე-ფაქტო პრეზიდენტმა, რაულ ხაჯიმბამ ხელი მოაწერა ბრძანებას თანამდებობის ნებაყოფლობით დატოვების შესახებ. ინფორმაციას რუსული სააგენტო „სპუტნიკი“ ავრცელებს.

სააგენტოს ცნობით, აღნიშნული ინფორმაცია მომიტინგეებს ყოფილმა დე-ფაქტო საგარეო საქმეთა მინისტრმა, სერგეი შამბამ მიაწოდა. პრეზიდენტის ადმინისტრაციასთან შეკრებილ დემონსტრანტებს შამბამ განცხადება წაუკითხა, რასაც დემონსტრანტები აპლოდისმენტებით შეხვდნენ.

ცნობისთვის, აფხაზეთის დე-ფაქტო ცენტრალურმა საარჩევნო კომისიამ, მომავალი არჩევნების თარიღი დაასახელა. განმეორებითი საპრეზიდენტო არჩევნები აფხაზეთში 2020 წლის 22 მარტს ჩატარდება.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან