ზუგდიდის მუნიციპალიტეტის გამგეობაში დღეს, 2016 – 17 – 18 წლებისთვის რეგიონული განვითარების ფონდიდან დაფინანსებული პროექტების პრეზენტაცია გაიმართა.

გამგეობის ინფორმაციით, პრეზენტაციის დაწყებამდე მუნიციპალიტეტის გამგებელმა ედიშერ თოლორაიამ სამსახურების უფროსებს, თანამშრომლებს და მის წარმომადგენლებს ადმინისტრაციულ ერთეულებში მოუწოდა პროექტის დაწყებისას და მისი მიმდინარეობისას პროცესში იყვნენ უფრო ყურადღებით, აქტიურად ჩაერთონ პროექტების განხორციელების პროცესში და გამოიჩინონ სხვადასხვა მიმართულებით ინიციატივები.

მუნიციპალიტეტის გამგებელმა აუდიტორიას გამგეობის მიერ განხორციელებული და მიმდინარე პროექტების შესახებ ესაუბრა და მათ შორის რამდენიმე პროექტი გამოყო. ედიშერ თოლორაიას განცხადებით, მიმდინარე წელს 16 საცხოვრებელი სახლი აუშენდებათ მძიმე საყოფაცხოვრებო პირობების მქონე ოჯახებს და როგორც გამგებელმა განმარტა, მისი მიზანია, მომავალში გაორმაგდეს და გასამმაგდეს საცხოვრებელი სახლების მშენებლობა, რათა ეს პრობლემა საბოლოოდ აღმოიფხვრას.

2016–18 წლებში 85 ინფრასტრუქტურული პროექტი განხორციელდება მუნიციპალიტეტის მასშტაბით. განსახორციელებელ პროექტებს შორის პრიორიტეტი, საავტომობილო გზების რეაბილიტაციას, საბავშვო ბაღების მშენებლობა – რეაბილიტაციას, გარე განათებას, გაზიფიცირებას, სანიაღვრე არხების მოწყობასა და ხიდების მშენებლობას მიენიჭა.

ედიშერ თოლორაიამ დამატებით განსახორციელებელ პროექტებზე ისაუბრა. როგორც გამგებელმა განმარტა, ინფრასტრუქტურული პროექტები დამატებით განხორცილედება შემდეგ ადმინისტრაციულ ერთეულებში: ყულიშკარში ცენტრიდან ეკლესიამდე გზის რეაბილიტაცია; რიყე ტყაიას შემაერთებელი გზის რეაბილიტაცია; რიყის ცენტრიდან რუხის ცენტრალურ ხიდამდე გზის რეაბილიტაცია. უჩაშონა ყულიშკარის გზის რეაბილიტაცია. ზუგდიდი-უჩაშონას ცენტრალური გზის რეაბილიტაცია გორკის ქუჩის გავლით. დავითიანისა და ცაიშის შემაერთებელი ხიდის რეაბილიტაცია; შამადელა აბასთუმანის გზის რეაბილიტაცია; ჭკადუაშის ცენტრიდან წალენჯიხის ცენტრალურ გზამდე გზის რეაბილიტაცია.

მუნციპალიტეტის გამგებელმა დამსწრეებს გაზიფიცირების პროექტის შესახებ ესაუბრა და განაცხადა, რომ „ სრული პასუხისმგებლობით შემიძლია განვაცხადო, რომ 2015 წელს მუნიციპალიტეტის მასშტაბით მთლიანად დასრულდება გაზიფიცირების პროცესი“. – განაცხადა ედიშერ თოლორაიამ.

2016–17 18 წლებში განსახორციელებელი პროექტების პრეზენტაციას გამგებლის მოადგილე გიზო სართანია, სტრუქტურული ერთეულების ხელმძღვანელები და ადმინისტრაციულ ერთეულებში გამგებლის წარმომადგენლები ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია