ოკუპირებულ აფხაზეთში განვითარებულ მოვლენებს რუსეთის საგარეო საქმეთა სამინისტრო განცხადებით გამოეხმაურა.

უწყების განცხადებით, ოკუპირებულ აფხაზეთში მიმდინარე მოვლენები ქვეყნის საშინაო საქმეა.

„ყურადღებით ვადევნებთ თვალყურს სოხუში მიმდინარე შიდაპოლიტიკურ მოვლენებს. მომხდარ მოვლენებს ვაფასებთ, როგორც ქვეყნის საშინაო საქმეს. ვიმედოვნებთ, რომ მხარეები პირდაპირი, მშვიდობიანი დილოგის გზით, სამართლებრივ ჩარჩოში ვითარების უმოკლეს დროში სტაბილიზაციას შეძლებენ“ - აღნიშნულია უწყების განცხადებაში.

შეგახსენებთ, რომ ოკუპირებულ აფხაზეთში ოპოზიციის მომხრეები საპროტესტო აქციებს  მართავენ. გუშინ აქციის მონაწილეები, დე ფაქტო პრეზიდენტის ადმინისტრაციაში შეიჭრნენ. მომიტინგეები ე.წ საპრეზიდენტო არჩევნების შედეგების ბათილად ცნობას და დე ფაქტო პრეზიდენტის რაულ ხაჯიმბას გადადგომას ითხოვენ. მოგვიანებით ე.წ. პრეზიდენტმა ადმინისტრაცია დატოვა, თუმცა განაცხადა, რომ პოსტის დატოვებას არ აპირებს.

ავტორი: ექსპრესნიუსი,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა