2019-12-23 13:46:49, 1907 ნახვა

---

„ნაციონალურმა მოძრაობამ“ მელიასათვის დეპუტატობის შეწყვეტაზე პარლამენტის გადაწყვეტილება საკონსტიტუციო სასამართლოში გაასაჩივრა

ნიკა მელიასათვის სადეპუტატო უფლებამოსილების შეწყვეტის თაობაზე პარლამენტის გადაწყვეტილება, „ნაციონალურმა მოძრაობამ“ საკონსტიტუციო სასამართლოში გაასაჩივრა.

ამის შესახებ, ჟურნალისტებს „ნაციონალური მოძრაობის“ თავმჯდომარემ, რომან გოცირიძემ განუცხადა.

როგორც დეპუტატმა აღნიშნა, ნიკა მელიასათვის უფლებამოსილების შეწყვეტა იყო უკანონო, რაც პარლამენტის ისტორიაში, სამარცხვინო აქტის სახელით შევა.

„პარლამენტის ეს დადგენილება გასაჩივრებულია საკონსტიტუციო სასამართლოში, ხოლო სააპელაციო სასამართლოში ჯერ კიდევ არის ვადები და ის აუცილებლად  გასაჩივრდება. ნიკა მელიასთვის უფლებამოსილების შეწყვეტა იყო უკანონო, პოლიტიკური დევნა და უპრეცედენტო შემთხვევა, რაც პარლამენტარიზმის ისტორიაში შევა, როგორც სამარცხვინო აქტი“,-  განაცხადა რომან გოცირიძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი