„ეს არასერიოზული შემოთავაზება ადასტურებს ივანიშვლის გუნდში არსებულ რღვევას“, - ამის შესახებ „ევროპული საქართველოს“ ერთ-ერთმა წევრმა, გიგა ბოკერიამ ხელისუფლების წარმომადგენლებთან შეხვედრის შემდეგ განაცხადა.

ბოკერიას თქმით, მმართველი გუნდის ე.წ კომპრომისული ვარიანტი მიუღებელია და თუ ხელისუფლება არ გადადგამს რეალურ ნაბიჯებს, ქვეყნის შიგნით გაგრძელდება პროტესტი და ქვეყნის გარეთ გაღრმავდება იზოლაცია.

„რა კომპრომისზეა საუბარი, ეს არასერიოზული შემოთავაზება ადასტურებს ივანიშვილის გუნდში არსებულ რღვევას. ეს წინადადება თამაშის წესს არსებითად არ ცვლის. თამაშის წესი უნდა შეცვლილიყო, რადგან პროპორციულობა არის აქ საკვანძო საკითხი, გარდა იმისა, რომ ნდობა არ გვაქვს და გაირკვა, რომ რესურსი ჰქონიათ საკონსტიტუციო ცვლილებების და ამის რესურსი თუ აქვთ, მაშინ „გერმანული მოდელი“ მიგვეღო.

ივანიშვილიც კი ხვდება როგორ მძიმე მდგომარეობაში არიან და ამიტომ ამ მანევრებს აკეთებენ, რომელიც არ არის სერიოზული, მაგრამ ეს აჩვენებს, რომ ნელ-ნელა ხვდებიან როგორ მძიმე დღეში აღმოჩნდებიან, თუ რეალურ ნაბიჯს არ გადადგამენ. ეს არ არის რეალური ნაბიჯი, მათ უნდა წაიღონ შეურაცხყოფა რაც ხალხს მიაყენეს. თუ ვერ მიხვდებიან, ქვეყნის შიგნით პროტესტი გაგრძელება და გარეთაც იზოლაცია გაღრმავდება, რასაც ხედავთ“, - განაცხადა გიგა ბოკერიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

სტრიკლენდი დვალიშვილი ნურმაგამედოვის ინციდენტზე - უსმან ნურმაგომედოვი ბ**ის პირდაპირი განმარტებაა

მერაბ დვალიშვილი—ნურმაგომედოვი და მისი მეგობრები უკნიდან დაგვესხნენ თავს

თბილისში, დიდუბეში ცოლ-ქმარი ლიფტში მოკლული იპოვეს

ფიფია - დროა, რუსეთთან მჭიდრო სტრატეგიული კავშირისკენ ნაბიჯი გადავდგათ