გარემოს დაცვისა და სოფლის მეურნეობის მინისტრი ლევან დავითაშვილი „საქართველოს მწვანეთა მოძრაობის“ 30 წლის საიუბილეო თარიღისადმი მიძღვნილ კონფერენციას დაესწრო.

ლევან დავითაშვილმა არასამთავრობო ორგანიზაციას საიუბილეო თარიღი მიულოცა და აღნიშნა, რომ „მწვანეთა მოძრაობას“ გარემოსდაცვითი მიმართულებით მუშაობის მრავალწლიანი გამოცდილება დაუგროვდა.

„მწვანეთა მოძრაობას“ გარემოსდაცვითი ცნობიერების ამაღლებასა და მწვანე დღის წესრიგის ჩამოყალიბებაში დიდი წვლილი აქვს შეტანილი. ბევრი მათი ინიციატივა დღეს უკვე სახელმწიფო პოლიტიკის ნაწილია. „მწვანეები“ აქტიურად აგრძელებენ სხვადასხვა გარემოსდაცვითი მიმართულებით მუშაობას. იმედი მაქვს, ჩვენ მომავალშიც გავაგრძელებთ აქტიურ თანამშრომლობას, როგორც წყლის მართვის, ბიომრავალფეროვნების შენარჩუნების, ტყეზე ზრუნვის, ისე ნარჩენების სწორად მართვისა და მწვანე ეკონომიკის განვითარების მიმართულებით“, - აღნიშნა ლევან დავითაშვილმა.

„საქართველოს მწვანეთა მოძრაობის“ საიუბილეო კონფერენციაზე, ორგანიზაციის ხელმძღვანელმა, ნინო ჩხობაძემ 30 წლის წინანდელი მოვლენები გაიხსენა და აღნიშნა, რომ მწვანეთა მოძრაობა პირველი არასამთავრობო ორგანიზაცია იყო, რომელიც საბჭოთა პერიოდში საქართველოში დაარსდა. ნინო ჩხობაძემ იმ გარემოსდაცვით მიმართულებებზე გაამახვილა ყურადღება, რომელზეც ორგანიზაცია დღეს მუშაობს.

საიუბილეო კონფერენციას გარემოს დაცვისა და სოფლის მეურნეობის მინისტრის მოადგილეები ნინო თანდილაშვილი და სოლომონ პავლიაშვილი, ორგანიზაციის ყოფილი წარმომადგენლები და „მწვანეთა მოძრაობის“ დამფუძნებლის, ზურაბ ჟვანიას ოჯახის წევრები ესწრებოდნენ.

ავტორი: NS (სტატია დაფინანსებულია),

სოციალური ქსელები

Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს

მიხეილ სააკაშვილი - უკაცრავად და, ვის მიერ ჩადენილ დანაშაულს აღიარებთ, როგორც ფაქტს

40-მდე ქვეყანამ და საქართველომ ევროპული უსაფრთხოების დეკლარაციას მოაწერეს ხელი

ფარულავა – საკონსტიტუციო სასამართლოში რასაც ვუყურებთ ვერანაირ სტანდარტში ვერ ჯდება,