დღეს აჭარის ავტონომიური რესპუბლიკის მთავრობის სხდომა გაიმართა. აჭარის მთავრობის თავმჯდომარის ხელმძღვანელობით მინისტრთა კაბინეტმა დღის წესრიგით გათვალისწინებული  საკითხები განიხილა.

თორნიკე რიჟვაძემ აჭარაში ნარინჯისფერი რთველის მიმდინარეობაზე და საექსპორტო ბაზრებთან დაკავშირებით არსებულ სიახლეებზე ისაუბრა.

,,ნარინჯისფერი რთველი აჭარაში აქტიურ ფაზაშია. ჩვენთვის მნიშვნელოვანია, რომ ეს ციტრუსის სეზონი ჩავატაროთ წარმატებით. წელს გვაქვს მნიშვნელოვანი სიახლეები. ტრადიციულ ბაზრებთან ერთად რამდენიმე ახალი ქვეყანა, ახალი საექსპორტო მიმართულება დაემატა, მათ შორის სინგაპური, სლოვენია, ყატარი და ა.შ. ფასები არის საკმაოდ მაღალი და ამიტომ, ყველას ერთად გვმართებს ჯეროვანი მუშაობა, რომ თითოეულმა ოჯახმა, თითოეულმა ფერმერმა მიიღოს მაქსიმალური შემოსავალი და ნარინჯისფერი რთველი აჭარაში წარმატებით ჩატარდეს"- განაცხადა თორნიკე რიჟვაძემ.

აჭარაში ციტრუსის რთველს კოორდინაციას უწევს სოფლის მეურნეობის სამინისტრო.

რაც შეხება საექსპორტო მონაცემებს, დღეის მდგომარეობით, მანდარინის ექსპორტმა  3 909 ტონა შეადგინა. ძირითადი საექსპორტო ქვეყნებია: უკრაინა, რუსეთი, სომხეთი, ლიეტუვა, აზერბაიჯანი, სინგაპური, სლოვენია, ყაზახეთი.

(NS)

ავტორი: ექსპრესნიუსი,

სოციალური ქსელები

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა

საქართველოს ბანკის ორგანიზებით, ბათუმში ბიზნესებისთვის EBRD-ის მხარდამჭერ პროგრამებზე შეხვედრა გაიმართა