ხარაგაულის მუნიციპალიტეტის ერთ-ერთ სოფელში, გარყვნილი ქმედების ბრალდებით დაკავებული  მასწავლებელის კოლეგები და ნათესავები შემთხვევის დეტალებზე საუბრობენ. 

მათი თქმით, შემთხვევის თვითმხილველები არასრულწლოვანის თანაკლასელები იყვნენ: 

„ბავშვმა მასწავლებელი დაადანაშაულა ხელით შეხებაში სხეულის ზედა ნაწილებზე. მომიტანა განცხადება. რა თქმა უნდა, საქმეს მივეცით კვალიფიკაცია, როგორც კანონი ითვალისწინებს. ეს არის დასჯადი ქმედება. შევატყობინე შესაბამის ორგანოებს, სოციალურ მუშაკს და მიმდინარეობს ძიება.

მე-9 კლასელი ბავშვია, ოჯახის ახლობელია, შესაძლებელია, სულაც არ იყო ეს ქმედება რაღაც ასეთი, რაც დაიწერა, მაგრამ რადგან ბავშვმა განცხადება დაწერა, მე ვალდებული ვიყავი, კანონით გათვალისწინებული ზომები მიმეღო. თანაკლასელები არიან ამ საქმის მოწმეები და რა თქმა უნდა, ბავშვებიც დაიკითხნენ“, - განაცხადა არასრულწლოვნის პედაგოგმა.. 

დაკავებულის ნათესავი კი აცხადებს, რომ ჩვენებაში ტყუილი წერია: 

„არანაირი არც ძალადობა ყოფილა და არც არაფერი, უბრალოდ, ლოყაზე მოჩქმეტა და მხარზე ხელის შეხება მე მგონი, არ არის დანაშაული. აიძულებდნენ მას, რომ სამსახურიდან წამოსულიყო, რამდენჯერმე დაურეკეს, დაწერე განცხადება და წადი სამსახურიდანო. აღარ უნდოდა უბრალოდ, ზედმეტად გახმაურება, ისედაც უწევდა სამსახურიდან წამოსვლა და აღარ დაიწყო ამაზე ბრძოლა“, - განაცხადა მამაკაცის ოჯახის წევრმა ტელეკომპანია „მთავართან“ საუბარში.

შეგახსენებთ, რომ არსებული ინფორმაციით, დაკავებული მასწავლებელი უფროსკლასელ გოგონასთან სექსუალური აქტის დამყარებას ცდილობდა. შსს-ს ინფორმაციით, გამოძიება სსკ-ის 141-ე მუხლით მიმდინარეობს, რაც გარყვნილ ქმედებას გულისხმობს.

ავტორი: ექსპრესნიუსი,

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე