2019-10-07 13:28:34, 3656 ნახვა
მსოფლიო
უკრაინის პროკურატურამ 2018 წელს სააკაშვილის დეპორტაციაზე საქმე აღძრა
უკრაინის პროკურატურამ საქართველოს ყოფილი პრეზიდენტის მიხეილ სააკაშვილის უკრაინიდან დეპორტაციის ფაქტზე საქმე აღძრა, - ამის შესახებ rbc იუწყება.
მედია საშუალების ინფორმაციით, საქმეს ქვეყნის მთავარი სამხედრო პროკურატურა იძიებს. უწყებაში აცხადებენ, რომ მათ გამოძიების დაწყების მოთხოვნით თავად სააკაშვილმა მიმართა.
"მთავარმა სამხედრო პროკურატურამ მიხეილ სააკაშვილის განცხადება მიიღო 2018 წლის თებერვალში მისი გატაცების, მის მიმართ ძალადობრივი ქმედებების და მისი პოლონეთში უკანონო გადაყვანის შესახებ. განცხადების თანახმად აღძრულია საქმე“, - ნათქვამია უწყების განცხადებაში.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
