დღეს სოხუმის დაცემის დღეა. ყველაზე ცუდი დღე. არავინ და არაფერი არ მახსენდება ამ დღეს. ჩემთვის მას არც სიმბოლო ჰყავს, არც გმირი, არც ანტიგმირი. საშინელი, ცარიელი, შავი დღეა, როცა ყველაფერი დამთავრდა. - ამის შესახებ “კოალიცია ცვლილებებისთვის” ერთ-ერთი ლიდერი ნიკა გვარამია სოციალურ ქსელში წერს.

“დღეს სოხუმის დაცემის დღეა. ყველაზე ცუდი დღე. არავინ და არაფერი არ მახსენდება ამ დღეს. ჩემთვის მას არც სიმბოლო ჰყავს, არც გმირი, არც ანტიგმირი. უამრავი გმირი, სიმბოლო, ტრაგედია, ბევრზე ბევრი ანტიგმირი სხვა დღეებზე ნაწილდება - მანამდეც და მერეც - მაგრამ არა ამ დღეზე. ამ დღეს არავინ არ ჰყავს, საშინელი, ცარიელი, შავი დღეა, როცა ყველაფერი დამთავრდა. არა და, ბევრისთვის ჯოჯოხეთი ამ დღეს დაიწყო: ჭუბერის, დევნილობის სიმწარის, მოლოდინის უიმედობის. მაგრამ ეს მაინც ყველაზე უარესი დღეა. ეს მაინც ბოლო დღეა, როცა ყველაფერი დამთავრდა. არ ველოდები, სხვებთან ერთად ვცდილობ მოვაახლოო თეთრი დღე, რომელიც ყველაფერს ხელახლა დაიწყებს. ისევ იმ ზღვას, ისევ იმ სახლს, ისევ იმ სუნს, ისევ იმ სიმყუდროვეს დამიბრუნებს. დაგვიბრუნებს ყველას. არ მახსოვს, ამ დღეს როდის გავედი ბოლოს სახლიდან. დღეს გავდივარ, რათა ზუსტად ის ვთქვა, რომ ერთად დავდგებით და თეთრი დღეც დადგება. დღე, როცა ყველაფერი ხელახლა დაიწყება: ისევ ის ზღვა, ისევ ის სახლი, ისევ ის სუნი, ისევ ის სიმყუდროვე. დღეს, 27 სექტემბერს, 7 საათზე, მსვლელობა უნივერსიტეტის პირველი კორპუსიდან გმირთა მოედნამდე. პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია! ყველა, ვინც გვაშორებს თეთრ დღეს, ისტორიას უნდა ჩაბარდეს, მის ფურცლებზე შავი ასოებით ჩასაწერად! ერთად, გმირების მემორიალთან, 7 საათზე!”, - წერს ნიკა გვარამია.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა