საქართველოს ეკონომიკისა და მდგრადი განვითარების სამინისტროს სსიპ ,,საქართველოს სახელმწიფო ჰიროგრაფიულ სამსახურსა“ და გაერთიანებული სამეფოს ჰიდროგრაფიულ ოფისს (UKHO) შორის ურთიერთთანამშრომლობის მემორანდუმი გაფორმდა, რომლის ფარგლებში დიდი ბრიტანთის ჰიდროგრაფიული ოფისი (BRITISH
ADMIRALTY) საზღვაო რუკების წარმოებისას საქართველოს ჰიდროგრაფიული სამსახურის კვლევების შედეგად მოპოვებულ მონაცემებს გამოიყენებს და შექმნილ პროდუქციაზე მათ საქართველოს სახელით აღნიშნავს. შესაბამისად, რეალიზაციიდან შემოსავლის ნაწილს ინტელექტუალური საკუთრების გამოყენებისათვის (Royalty) საქართველოს სახელმწიფო ჰიდროგრაფიულ სამსახურს აუნაზღაურებს.

მემორანდუმის ხელმოწერის ცერემონიალი მიმდინარე წლის 24 სექტემბერს დიდი ბრიტანეთის ჰიდროგრაფიულ სამსახურში, ქ. ტაუნტონში გაიმართა. დოკუმენტს ქართული მხრიდან ჰიდროგრაფიული სამსახურის დირექტორმა რევაზ ბაბილუამ, ხოლო ბრიტანეთიდან გაერთიანებული სამეფოს ეროვნულმა ჰიდროგრაფმა, კონტრ ადმირალმა ტიმ ლოუმ მოაწერა.

აღნიშნული ფაქტი მსოფლიო აღიარება და ნდობაა რუკათაწარმოებაში 200
წლიანი გამოცდილების მქონე უწყების მხრიდან, რომლის წარმოებული საზღვაო
რუკები მსხვილი სანავიგაციო მარშრუტების მაღალი ხარისხით დაფარვის გამო
მსოფლიოში ნაოსნობაში ყველაზე მოთხოვნადია, მსოფლიო სავაჭრო გემების
90 % კი სწორედ BRITISH ADMIRALTY-ს პროდუქციით სარგებლობს.

ზემოაღნიშნულ რუკათა პორტფოლიოში საქართველოს ჰიდროგრაფიული სამსახურის ჩართვა მეტად მნიშვნელოვანია საქართველოსთვის, როგორც საზღვაო ქვეყნისთვის - საქართველომ სანავიგაციო რუკების წარმოება 2013 წლიდან დაიწყო და მნიშვნელოვანი წვლილი შეაქვს საერთაშორისო ჰიდროგრაფიული ორგანიზაციის (IHO) და შუქურების საერთაშრისო ასოციაციის (IALA) წევრობის სტატუსით მსოფლიო ზღვებისა და ოკეანეების ნაოსნობის უსაფრთხოების უზრუნველყოფაში.

NS

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა

საქართველოს ბანკის და კომაროვის STEM სკოლაში მიღება 1 ოქტომბერს სრულდება - დარეგისტრირდი და აღმოაჩინე განათლების ახალი შესაძლებლობები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?