საჯარო რეესტრის ეროვნული სააგენტოს თანამშრომლებმა ბიზნესით დაინტერესებულ პირებს სარეგისტრაციო პროცედურებსა და გამარტივებული ელექტრონულ სერვისების მოხმარებასთან დაკავშირებით ინფორმაცია მიაწოდეს. 

შეხვედრის მონაწილეებს  ელექტრონული ბარათის წამკითხველი სპეციალური მოწყობილობები გადაეცათ, რომლითაც კვალიფიციური ელექტრონული ხელმოწერის განხორციელებაა შესაძლებელი.

განცხადების წარდგენა ახალი სუბიექტის რეგისტრაციასთან, ცვლილებების რეგისტრაციასთან, რეორგანიზციასთან და სხვა საკითხებთან დაკავშირებით მსოფლიოს ნებისმიერი წერტილიდან, ელექტრონულადაა შესაძლებელი.

ინოვაციური სერვისია დანერგილი შეზღუდული პასუხისმგებლობის საზოგადოებისთვისაც. ამ ფორმით რეგისტრირებული კომპანიების პარტნიორებს ასევე ელექტრონულად, მსოფლიოს ნებისმიერი წერტილიდან შეუძლიათ პარტნიორთა კრებების მოწვევა/ჩატარება და გადაწყვეტილებების მიღება.

ბიზნესით დაინტერესებული პირებისთვის სამეწარმეო რეესტრის ყველა სერვისი ონლაინ არის ხელმისაწვდომი.  სარგებლობისთვის საჭიროა მხოლოდ ინტერნეტის ქსელში ჩართული კომპიუტერი და პორტალ my.gov.ge-ზე რეგისტრაცია.

ბიზნესსექტორის წარმომადგენლებთან შეხვედრების ციკლი GIZ - გერმანიის საერთაშორისო თანამშრომლობის საზოგადოების მხარდაჭერით ხორციელდება.  სამეწარმეო რეესტრის ელექტრონული სერვისების გაცნობის მიზნით, მორიგ შეხვედრებს საჯარო რეესტრი გორში, ახალციხეში, ქუთაისსა და თელავში ჩაატარებს.

(NS)

ავტორი: ექსპრესნიუსი,

სოციალური ქსელები

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა

საქართველოს ბანკის და კომაროვის STEM სკოლაში მიღება 1 ოქტომბერს სრულდება - დარეგისტრირდი და აღმოაჩინე განათლების ახალი შესაძლებლობები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?