ამერიკელმა „დემოკრატებმა“ პრეზიდენტ დონალდ ტრამპის იმპიჩმენტის პროცედურა დაიწყეს, - ამის შესახებ აშშ-ის წარმომადგენელთა პალატის სპიკერმა, "დემოკრატიული პარტიის" წარმომადენელმა, ნენსი პელოსიმ განაცხადა. ინფორმაციას Euronews ავრცელებს. 

როგორც პელოსიმ განმარტა, საქმე ეხება თეთრი სახლის ლიდერის და უკრაინის პრეზიდენტის სატელეფონო საუბარს. 

„პრეზიდენტმა აღიარა, რომ ვლადიმერ ზელენსკის ისეთი ნაბიჯის გადადგმა სთხოვა, რაც მას პოლიტიკური ქულების დაწერაში დაეხმარებოდა. ამით, დონალდ ტრამპმა კანონი დაარღვია და პასუხი უნდა აგოს“, - განაცხადა ნენსი პელოსიმ.

ტრამპს ოპონენტები უკრაინის პრეზიდენტისადმი მუქარაში ადანაშაულებენ. კერძოდ, "დემოკრატები" ამბობენ, რომ დონალდ ტრამპი ზელენსკის დაემუქრა სამხედრო დახმარების შეწყვეტით, თუ ის ვიცე-პრეზიდენტ ჯო ბაიდენსა და მის შვილთან დაკავშირებულ კორუფციულ ბრალდებებს არ გამოიძიებდა. 

2014 წელს ჰანტერ ბაიდენმა უკრაინულ გაზის კომპანია "ბურისმაზე" დაიწყო მუშაობა და მისი სახელი გარკვეულ კორუფციულ გარიგებებში ფიგურირებდა. 

იმპიჩმენტის პროცედურის დაწყებას თავას ტრამპი უკვე გამოეხმაურა და აღნიშნა, რომ ეს "კუდიანზე ნადირობის" მორიგი მცდელობაა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!