დელიკატური ბალანსი უნდა იყოს გავლებული გამოხატვის თავისუფლებასა და სასამართლოს ავტორიტეტის დაცვას შორის, - ამის შესახებ უზენაესი სასამართლოს მოსამართლეობის კანდიდატმა  მერაბ გაბინაშვილმა პარლამენტის იურიდიულ საკითხთა კომიტეეტის სხდომაზე ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის სოფო კილაძის კითხვის საპასუხოდ განაცხადა.

კილაძე დაინტერესდა, როგორც მოსამართლე როგორ არჩევანს გააკეთებდა თუ მედიის თავისუფლების საპირწონედ პატივი და ღირსება იდგებოდა?!  გაბინაშვილის თქმით, ის ბალანსის დაცვის მომხრეა.

„ღირსება ყველა უფრო აღმატებული ცნებაა, ღირსება შეიძლება იყოს პირადიც და საზოგადოებრივიც. ახალდაბადებული ადამიანსაც კი აქვს ღირსება და უკანასკნელი დამნაშავის ღირსებაც ბოლომდე უნდა იყოს თავისუფლება. მედიის თავისუფლებას რაც შეეხება, აქ ინფორმაციის გადაცემის სტანდარტებთან გვაქვს საქმე. მედია ასრულებს თავის ფუქნციას, უნდა გადასცეს ინფორმაცია საზოგადოებას, მაგრამ ევროპული სასამართლოს პრეცედენტები აწესებს დასაშვები კომენტარის სტანდარტს და ამბობს, რომ ინფორმაციის გადაცემამ საფრთხე არ უნდა შეუქმნას სხვა ღირებულების დარღვევას, როგორიცააა სასამართლოს ავტორიტეტი, სხვისი ღირსება. აქ დელიკატური ბალანსი უნდა იქნას გავლებული გამოხატვის თავისუფლებასა და სასამართლოს ავტორიტეტის დაცვას შორის“, - განაცხადა გაბინაშვილმა.

ცნობისთვის, პარლამენტის იურიდიულ საკითხთა კომიტეტის სხდომაზე უზენაესის სასამართლოს მოსამართლეობის ერთ-ერთ კანდიდატს მერაბ გაბინაშვილს, უსმენენ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს