2019-09-23 13:34:18, 1787 ნახვა
პოლიტიკა
ვლადიმერ პუტინმა მთავრობას ოკუპირებული აფხაზეთის არმიის მოდერნიზაციისთვის ფინანსების გამოყოფა დაავალა
რუსეთი ოკუპირებული აფხაზეთის არმიის მოდერნიზაციისთვის ფინანსებს გამოყოფს, - ამის შესახებ განკარგულება კრემლის ლიდერმა ვლადიმერ პუტინმა გასცა. ინფორმაციას „რია ნოვოსტი“ ავრცელებს.
ფინანსური მხარდაჭერის მისაღებად საქართველოს ოკუპირებულ რეგიონსა და რუსეთს შორის "ხელშეკრულება" გაფორმდება.
„მხარი დავუჭიროთ რუსეთის ფედერაციის მთავრობის წინადადებას აფხაზეთის რესპუბლიკის შეიარაღებული ძალების მოდერნიზაცისთვის ფინანსების გამოსაყოფად რუსეთის ფედერაციასა და აფხაზეთის რესპუბლიკას შორის ხელშეკრულების გაფორმების თაობაზე“, - ნათქვამია პუტინის განკარგულებაში.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
