„ძალიან დიდია იმ ამომრჩევლების რიცხვი, რომლებსაც არ გადაუწყვეტიათ ჯერ რომელ პარტიას დაუჭერენ შემდეგ არჩევნებში და ეს არის ძალიან ნათელი გზავნილი ოპოზიციური სპექტრისთვის“, - ამის შესახებ „ნაციონალური მოძრაობის“ წევრმა სალომე სამადაშვილმა  ჟურნალისტებს განუცხადა.

 როგორც სამადაშვილმა აღნიშნა, NDI-ის კვლევების მიხედვით, მომავალ არჩევნებში „ოცნებას“ 10 ამომრჩევლიდან 8  ხმას აღარ მისცემს.

„NDI-ის მიერ გამოქვეყნებული კვლევები, მე ვფიქრობ, რომ ერთ მთავარ რამეს აჩვენებს და ეს არის ის, რომ „ქართულ ოცნებას“ ჩვენს საზოგადოებაში დაკარგული აქვს ნდობა ამომრჩევლების უმრავლესობის მხრიდან. ანუ რეალურად 10 ამომრჩევლიდან 8 „ქართულ ოცნებას“ ხმას აღარ მისცემს. ამავე დროს ვხედავთ, რომ ძალიან დიდია იმ ამომრჩევლების რიცხვი, რომლებსაც არ გადაუწყვეტიათ ჯერ რომელ პარტიას დაუჭერენ შემდეგ არჩევნებში და ეს არის ძალიან ნათელი გზავნილი ოპოზიციური სპექტრისთვის და მათ შორის ჩვენი პარტიისთვის, რომ ჩვენ წინ გველის ძალიან სერიოზული სამუშაო იმისთვის, რომ  შევძლოთ ახალი ამომრჩევლის მიზიდვა „ნაციონალური მოძრაობის“ მხარდასაჭერად“, - განაცხადა სალომე სამადაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს

უკრაინა და რუსეთი 3000-მდე სამხედრო ტყვეს გაცვლას გეგმავენ

Nvidia-მ დამოუკიდებელი გამოძიება დაიწყო მისი აღმასრულებელი დირექტორის ჩინეთის დაზვერვასთან სავარაუდო კავშირებთან დაკავშირებით

მეუფე იობი -კორუფცია ყვავის საქართველოში, აღებ-მიცემობაა