იუსტიციის სამინისტრო მზადაა შეწყალებასთან  დაკავშირებით მორატორიუმის პროცესში ჩაერთოს, - ამის შესახებ იუსტიციის მინისტრმა  თეა წულუკიანმა ჟურნალისტებს განუცხადა.

მისი განცხადებით, მთავარია პროცესი დროში არ გაიწელოს.

„მთავარია, რომ პროცესი შეწყალების  პროცედურების რეფორმირებისა, რომლისთვისაც კიდევ ერთხელ მზაობა გამოთქვა დღეს საქართველოს პრეზიდენტმა არ იყოს დროში გაწელილი პროცესი. იუსტიციის სამინისტრო მზად არის პარლამენტთან ერთად  ჩაერთოს ამ პროცესში, რადგანაც ძალიან ბევრი ინფორმაცია და კომპეტენციები იმასთან დაკავშირებით თუ როგორი უნდა იყოს სამართლიანი შეწყალების სისტემა ინახება სწორედ პენიტენციურ სისტემაში და იმ პროფესიონალებში, ვინც ამ სისტემას ემსახურება. ამიტომ ჩვენი მხრიდანაც მზაობაა, რომ ვიყოთ ამ რეფორმის პროცესში ჩართული“, - აღნიშნა თეა წულუკიანმა.

შეგახსენებთ, რომ სალომე ზურაბიშვილმა დღეს მსჯავრდებულთა შეწყალებაზე მორატორიუმი გამოაცხადა.  მის მიერ შეწყალებულთა შორის არის პოლიციელის, თარაშ მუკბანიანის მკვლელობისთვის მსჯავრდებული რამაზ დევაძე და 18 წლის დავით ოთხმეზურის მკვლელობაში მსჯავრდებული ასლან ბეჟანიძე, რომელსაც გამოძიება 12 წლის განმავლობაში ეძებდა. გარდა ამისა, გავრცელდა ინფორმაცია, რომ შეწყალებულთა შორის ასევე მკვლელობისთვის მსჯავრდებული ზურაბ ნადირაძეც არის, რომლის ექსტრადირებასაც ქართული მხარე 1994 წლიდან 2017 წლამდე ელოდებოდა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს

უკრაინა და რუსეთი 3000-მდე სამხედრო ტყვეს გაცვლას გეგმავენ

Nvidia-მ დამოუკიდებელი გამოძიება დაიწყო მისი აღმასრულებელი დირექტორის ჩინეთის დაზვერვასთან სავარაუდო კავშირებთან დაკავშირებით

მეუფე იობი -კორუფცია ყვავის საქართველოში, აღებ-მიცემობაა