2019-09-15 15:17:36, 1700 ნახვა
საზოგადოება
თბილისის მერიას კავშირი არ აქვს ილიას უნივერსიტეტის მიმდებარე ტერიტორიის რეაბილიტაციასთან
ჭავჭავაძის გამზირზე გარდაცვლილი მუშა სამუშაოებს ილიას სახელმწიფო უნივერსიტეტის დაკვეთით ასრულებდა უშუალოდ უნივერსიტეტის წინ და მას კავშირი არ აქვს გამზირის რეაბილიტაციასთან, რომელსაც მერია ახორციელებს. ამის შესახებ თბილისის მერიის პრეს სამსახური იუწყება.
ჭავჭავაძის გამზირზე, სარეაბილიტაციო სამუშაოს დროს, მიწის ჩამოშლის შედეგად მუშა გარდაიცვალა. ადგილზე მობილიზებულია პოლიცია და სასწრაფო. მუშაობენ მაშველები, საგანგებო სიტუაციების მართვის სამსახურის ცნობით, ადგილზე მისვლისას მუშა უკვე გარდაცვლილი იყო.
ავტორი: ექსპრესნიუსი,
epn.ge (@expressnews.ge)
