პრაქტიკულად იდეალურთან მიახლოებული კონსტიტუცია გვაქვს, რომელშიც არის ეროვნული  ღირებულებები, ჩვენი დასავლური კურსი, რეფორმების საშუალება, - ამის შესახებ ფრაქცია „ქართული ოცნება - დემოკრატიული საქართველოს“ თავმჯდომარე მამუკა მდინარაძემ თელავში, კონსტიტუციური კანონის პროექტების საყოველთაო-სახალხო განხილვისას განაცხადა.

როგორც მდინარაძემ აღნიშნა, საზოგადოების ძალიან დიდი ნაწილისა და მთელი ოპოზიციური სპექტრის დაკვეთა, რომ 2020 წელს პროპორციულ სისტემაზე გადასვლა იყო საჭირო, გათვალისწინებულია.

„როდესაც რეფორმას მხარს უჭერდა საზოგადოების უდიდესი ნაწილი და ჩვენ შესაბამისად, ცვლილებები შევიტანეთ კონსტიტუციაში და პრაქტიკულად ახალი კონსტიტუცია დაიწერა. ერთადერთი, რასაც ოპოზიცია გვსაყვედურობდა და შემდეგ, რაც აისახა ვენეციის კომისიის დასკვნაში, ეს იყო, რომ 2020 წლიდან არ გადავდიოდით პროპორციულ არჩევნებზე. ეს ე.წ. ნაკლიც აღმოიფხვრა, ვინაიდან ეს იყო საზოგადების დაკვეთა, ვინაიდან მთელი პოლიტიკური სპექტრი გაერთიანდა.  ამიტომ პრაქტიკულად იდეალურთან მიახლოებული კონსტიტუცია გვაქვს, რომელშიც არის ეროვნული  ღირებულებები, ჩვენი დასავლური კურსი, რეფორმების საშუალება. ეს კონსტიტუცია გრძელვადიან პერსპექტივაში, როგორც მოკლევადიანში იმუშავებს ძალიან კარგად და გამოადგება განვითარებას“, -  აღნიშნა მამუკა მდინარაძემ.  

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს

უკრაინა და რუსეთი 3000-მდე სამხედრო ტყვეს გაცვლას გეგმავენ

Nvidia-მ დამოუკიდებელი გამოძიება დაიწყო მისი აღმასრულებელი დირექტორის ჩინეთის დაზვერვასთან სავარაუდო კავშირებთან დაკავშირებით

მეუფე იობი -კორუფცია ყვავის საქართველოში, აღებ-მიცემობაა