პარლამენტში სხდომა, სადაც ფრაქცია „ევროპული საქართველო“ მთავრობის ახალ შემადგენლობაში შემავალ კანდიდატებს უსმენს, კამათის ფონზე მიმდინარეობს.

კამათის ერთ-ერთი მიზეზი 20 ივნისს გამოყენებული ტყვიები გახდა, რომელიც დეპუტატ ირმა ნადირაშვილის განმარტებით, „ნაკლებად ლეტალურია“ და ამის დამატკიცებლად მან პრემიერობის-კანდიდატ გიორგი გახარიას ტყვიის შეფუთვის ფოტო აჩვენა.

საპასუხოდ გახარია აღნიშნა, რომ ნადირაშვილი იტყუება: „იტყუებით ფაქტზე გიჭერენ, როცა იტყუებით, თქვენ ღიზიანდებით“.

ამ დროს საუბარში დეპუტატი აკაკი ბობოხიძე ჩაერთო და გახარიას მიმართა: „შევამოწმოთ, ერთი მე მესროლეთ და ერთს მე გესვრით".

პასუხად კი, გახარიამ განაცხადა: : „სიამოვნებით, ოღონდ დარბაზში არა. ამაზე, უბრალოდ, ვერ გიპასუხებთ იმიტომ, რომ თქვენ ჩვეულებრივი ხულიგანი ხართ და მე პასუხისმგებლობა მაქვს“.

რაც შეეხება, ირმა ნადირაშვილის კითხვას, გამოიყენებდა, თუ არა დღევანდელი გადასახედიდან გახარია აღნიშნულ ტყვიებს, პრემიერობის კანდიდატმა განმარტა, რომ ტყვიებს ისევ გამოიყენებდა.

 „მაშინ, როდესაც სახელმწიფო ინსტიტუტების და მოქალაქეების ჯანმრთელობის შტურმისგან და თავდამსხმელებისგან დაცვა გახდება საჭირო“, - უპასუხა გიორგი გახარიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა