ფრაქცია „ნაციონალურმა მოძრაობამ“ პარლამენტის სხდომა, სადაც მთავრობის ახალ შემადგენლობას უსმენენ, ვიდეო-შეკითხვით გახსნა.

ენმ-ს წევრებმა მონიტორზე 20-21 ივნისის მოვლენების ამსახველი ვიდეოკოლაჟი ჩართო.

„ჩვენი შეკითხვა გვინდა დავიწყოთ ვიდეო შეკითხვით და პასუხს ამ მწვავე შეკითხვაზე მოითხოვს დღეს ხალხი, მოითხოვს ჩვენი ქვეყანა და საზოგადოებას აინტერესებს პასუხი, რატომ და ვინ არის დამნაშავე?!  3 თვეა ჩვენ ამ ვიდეოს ვისმენთ ეკრანებიდან და გვეკითხვება ყველა, დიდი თუ პატარა, რატომ მოხვდა ბავშვებს ტყვია?! ვინ ჩაიდინა დანაშაული?! ვინ აგო ხელისუფლებიდან ამ დანაშაულისთვის პასუხი?! ვინ არიან ის დამნაშავეები, რომლებსაც ჯერ კიდევ მფარველობს ბატონი ივანიშვილი და ნაცვლად იმისა, რომ ეს ადამიანები ყოფილიყვნენ დღეს განსასჯელის სკამზე, დღეს ჩვენ გვევლინებიან ხელისუფლების სათავეში. ვინ გასცა ბრძანება?! და საერთოდ, 20 ივნისის მოვლენების შემდეგ რატომ მიდის საქართველო პოლიციური სახელწიფოს გზით?! 20 ივნისის შემდეგ იმდენი დანაშაული მოხდა, რომ ერთ დიდი დიქტატორს მრავალი წლის განმავლობაში ეყოფოდა. ჩამოგითვლით ძალიან მოკლედ: რეპრესიები, პოლიტიკური ლიდერების დაპატიმრება, ნიკა გვარამიას წინააღმდეგ აღძარით საქმე, „რუსთავი 2“ დახურეთ და შეასრულეთ რუსეთის სათათბიროს დეპუტატების სანკვარი ოცნება, აგრძელებთ მედია საშუალებების დევნას, აგრძელებთ იმ გზას, რაც გამოუყენეთ „თიბისი ბანკის“ წინააღმდეგ, გააჩერეთ ანაკლიის პროექტი და კულმინაცია, დღეს ადამიანები, რომლებმაც პასუხი უნდა აგონ ამ ჩადენილ საქმეებზე, მართვენ ქვეყანას“, - მიმართა მთავრობის ახალ შემადგენლობას რომან გოცირიძემ.

ცნობისთვის, მთავრობის ახალი შემადგენლობას ფრაქციების ფორმატში „ნაციონალური მოძრაობა“ უსმენს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა