პარლამენტში, გაერთიანებული კომიტეტების სხდომაზე, დამოუკიდებელი დეპუტატი ლევან კობერიძე და ფინანსთა მინისტრობის კანდიდატი ივანე მაჭავარიანი ერთმანეთს დაუპირისპირდნენ.

კამათი მას შემდეგ დაიწყო, რაც კობერიძემ მაჭავარიანს საყვედურით მიმართა და განაცხადა, რომ როდესაც კითხვას სვამს მინისტრობის კანდიდატი სხვებთან არ უნდა საუბრობდეს:

„იმისთვის მოდიხართ აქ მგონი რომ მომისმინოთ. როცა კითხვას გისვამთ, სხვა დეპუტატების კითხვის დროსაც ერთმანეთს ესაუბრებით“, - მიმართა კობერიძემ მაჭავარიანს.

საპასუხოდ, მაჭავარიანმა განაცხადა, რომ ყველა კითხვას ამომწურავ პასუხს გასცემს და კობერიძეს მიუთითა, რომ „მისი საქმე არ არის შეკითხვის დროს საით გაიხედება“.

„თქვენ შეგიძლიათ დასვათ კითხვა და დაელოდოთ პასუხს. ეხლა მე საით გავიხედები თქვენი შეკითხვის დროს ეს თქვენი საქმე არ არის. თქვენ მიიღებთ ამომწურავ პასუხს. რა სახით და როგორ ვისმენ თქვენი საქმე არ არის“, - მიმართა მაჭავარიანმა.

ამის შემდეგ კობერიძემ მინისტრობის კანდიდატს შემდეგი რეპლიკით მიმართა: „ნუ მებლატავებით ეხლა და მომისმინეთ კითხვას რომ ვსვავ“.

ხმაურის გამო მაჭავრიანს და კობერიძეს საფინანსო საბიუჯეტო კომიტეტის თავმჯდომარე ირაკლი კოვზანაძემ მიმართა და მათ სიმშვიდისკენ მოუწოდა, რის შემდეგაც კამათი შეწყდა.

ავტორი: ექსპრესნიუსი,

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა