მინდა დავინახო ტრანსფორმაცია ხომ არ განიცადა, იმ ღირებულებებმა, რამაც 4 წლის წინ ერთად დაგვაყენა, - ამ სიტყვებით პარლამენტის დამოუკიდებელმა დეპუტატმა ეკა ბესელიამ თავდაცვის მინისტრობის კანდიდატს ირაკლი ღარიბაშვილს მიმართა.

როგორც ბესელიამ განმარტა, მისთვის პრინციპირებული საკითხია, თუ რა პოზიცია აქვს თავდაცვის მინისტრობის კანდიდატს მოსამართლეობის უვადოდ დანიშვნის საკითხზე.

„ბატონო ირაკლი,  თქვენ იყავით ერთ-ერთი ვისაც პირადად შეეხო უსამართლობა და უკანონობა სასამართლოს მხრიდან. მე კარგად მახსოვს, იმ ისტორიებს ჩვენ ერთად გავდიოდით. მახსოვს, როგორი პრინციპული იყავით მაშინაც, სხვათა შორის, ასევე ღიად გეტყვით, მიუხედავად იმისა, რომ 4 წელია დისტანცირებული ხართ აღმასრულებელი ხელისუფლებისაგან, არ გეტყობოდათ, რომ შორს იყო ეს ტრიბუნა თქვენგან. ძალიან საინტერესო გამოსვლა იყო, ჩემი პირდაპირობა ცნობილია და არ მჭირდება არანაირად დითირამბები. პირველ რიგში, მაინტერესებს თქვენც, ის ადამიანი, რომელიც გამოირჩევით ძალიან ღია, პირდაპირი, ხშირად ხისტი, მკაფიო, პრინციპული შეფასებებით იმ რეჟიმის და ზოგიერთებივით ენა არ გეჩლიქებათ, როცა იმ რეჟიმზე საუბრობთ და სახელს არქმევთ იმ მოვლენებს. თქვენც ფიქრობთ, რომ ვინც ცუდად იქცეოდა დღეს კარგად იქცევა და ვინც ცუდ საქმეებს ჩადიოდა მოსამართლეების სახით დღეს კარგ საქმებს აკეთებს?! თქვენ იზიარებთ ამ პოზიციას?! ეს ჩემთვის ძალიან პრინციპულია, იმიტომ რომ მეც უნდა მივიღო კენჭისყრაში მონაწილეობა, მინდა დავინახო, ტრანსფორმაცია ხომ არ განიცადა იმ ღირებულებებმა, რომელმაც მაშინ ერთად დაგვაყენა“, - აღნიშნა ეკა ბესელიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა