„ეს არის ქვეყანა, რომელსაც ბიძინა ივანიშვილი მართავს, როგორც საკუთარ შპს-ს“, - ამის შესახებ „ნაციონალური მოძრაობის“ ერთ-ერთმა ლიდერმა თინა ბოკუჩავამ განაცხადა.

როგორც ბოკუჩავამ აღნიშნა, ხელისუფლების მხრიდან მუდმივად ოპოზიციის კრიტიკა ისმის.

„ხელისუფლება მხოლოდ ჩვენსკენ იშვერს ხელს და მხოლოდ ამას აკეთებს უკვე შვიდი წელია. ნარატივი არ გააჩნია ამ ხელისუფლებას, არ გააჩნია არანაირი ხედვა,  არ იცის როგორ გამოყვანოს ქვეყანა ეკონომიკური კრიზისიდან, რა რეფორმა განახორციელოს. ერთადერთი რამ, რასაც მუდმივად ვისმენთ ამ ხელისუფლების მხრიდან, ისევ მუდმივად ლაპარაკობენ „ერთიან ნაციონალურ მოძრაობაზე“, ისევ მუდმივად ლაპარაკობენ ოპოზიციაზე, მუდმივად ლაპარაკობენ 9 წელზე. ამის გარდა სხვა არანაირი პოლიტიკური გეგმა არ არსებობს იმისთვის, რომ ჩვენ შვილებს ჰქონდეს ნათელი მომავალი. ეს არის ქვეყანა, რომელსაც ბიძინა ივანიშვილი მართავს, როგორც საკუთარ შპს-ს“, - აღნიშნა თინა ბოკუჩავამ „ტვ პირველთან“ საუბრისას.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს

უკრაინა და რუსეთი 3000-მდე სამხედრო ტყვეს გაცვლას გეგმავენ

Nvidia-მ დამოუკიდებელი გამოძიება დაიწყო მისი აღმასრულებელი დირექტორის ჩინეთის დაზვერვასთან სავარაუდო კავშირებთან დაკავშირებით

მეუფე იობი -კორუფცია ყვავის საქართველოში, აღებ-მიცემობაა