სანამ გადაწყვეტილება არ არის მომწიფებული, მასზე საუბარი არაპოლიტკორექტულია, - ამის შესახებ ყოფილმა პრემიერ-მინისტრმა მამუკა ბახტაძემ ჟურნალისტებთან შეხვედრის დროს განაცხადა.

 ბახტაძის თქმით, ის, რომ ჩემს შესაძლო გადადგომას აქამდე არავინ ადასტურებდა, პოლიტკორექტულობის მარტივი მაგალითია.

„გადადგომაზე საუბარი მე დავიწყე გაზაფხულის ბოლოს, ანუ ეს რამდენიმე თვეა, რაც გრძელდება. ამ თემაზე საუბარი მე მქონდა პოლიტსაბჭოს სხვა წევრებთანაც.  

სიმართლეს ამბობდა ყველა, რამეთუ ეს ნამდვილად ასე იყო, კონსულტაცია არ ნიშნავს, რომ საკითხი არ არის გადაწყვეტილი. ხოლო კონსულტაციის დადასტურება უმრავლესობის წევრების მიერ, როცა ჯერ კიდევ არ არის გადაწყვეტილება მიღებული, მე ვფიქრობ, რომ არ არის კორექტული და არც სწორი არ არის, რადგანაც შეიძლება საზოგადოება ელემენტარულ შეცდომაში შეიყვანო. დღეს კი, როდესაც ეს გადაწყვეტილება გაჟღერდა, მეც მაქვს უკვე შესაძლებლობა რომ გითხრათ, ეს პროცესი როგორ წარიმართა, რატომ წარიმართა, რა იყო ამის მიზეზი და რა იყო ამის ლოგიკა, რომ მე ამ გადაწყვეტილებამდე მივედი.

ამ გადაწყვეტილების ამ დრომდე არ გაჟღერება პოლიტკური კორექტულობის მარტივი მაგალითია. ამას არანაირი დირექტივა და ინსტრუქცია არ სჭირდება. გადაწყვეტილება, როდესაც არ არის მომწიფებული, არ არის საბოლოო, მასზე რამე კომენტარის გაკეთება არ არის მართებული“, - განაცხადა მამუკა ბახტაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს