პირველი ოქტომბრიდან შვეიცარია საქართველოს უსაფრთხო ქვეყნად აღიარებს, - ამის შესახებ შვეიცარიული გამოცემა Neue Züricher Zeitung იუწყება. 

მედია საშუალების ინფორმაციით, შვეიცარიის ფედერალურმა საბჭომ უსაფრთხო ქვეყნების სია დღეს განაახლა. აღნიშნული ქმედებით, ქვეყანა ცდილობს, რომ თავშესაფრის მაძიებელთა რიცხვი შემცირდეს. უსაფრთხო ქვეყნებიდან ჩაშული თავშესაფრის მაძიებელთა საქმეები დაჩქარებული წესით განიხილება და როგორც წესი მათ მოთხოვნაზე ძირითადად უარს ეუბნებიან. 

მედიის ცნობით, 2017 წლის შემოდგომიდან ევროპის ქვეყნებში, მათ შორის შვეიცარიაში საქართველოდან თავშესაფრის მაძიებელთა რიცხვი გაიზარდა. ეს განპირობებულია იმით, რომ საქართველომ ვიზალიბერალიზაცია მიიღო. 

გამოცემა წერს, რომ შვეიცარიამ სხვადასხვა ღონისძიებები გაატარა, რათა თავშესაფრის მაძიებელთა რიცხვი შემცირებულიყო, თუმცა ამან შედეგი არ გამოიღო.

ამ მხრივ გასულ წელს, საქართველო მე-5 ადგილზე იყო ერითრეას, ავღანეთის, სირიის და თურქეთის შემდეგ. საერთო ჯამში დაფიქსირდა 873 განაცხადი, რაც 2017 წელთან შედარებით 30%-ით მეტია.

სახელმწიფოები სხვა ქვეყნების უსაფრთხოდ იმ შემთხვევაში აღიარებენ, რომ არსებული პოლიტიკური ვითარება სტაბილურია, არსებობს ჯანდაცვის სისტემა და ადამიანის უფლებები დაცულია. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს