"ოკუპირებულ აფხაზეთში გერმანელი დეპუტატების ვიზიტი, ე.წ. საპრეზიდენტო არჩევნებში „დამკვირვებლის“ სტატუსით მონაწილეობის მისაღებად, რუსეთმა დააფინანსა",  - ამის შესახებ საგარეო საქმეთა სამინისტროს წარმომადგენელმა ვლადიმერ კონსტანტინიდმა განაცხადა. 

კონსტანტინიდი აცხადებს, რომ ამ ვიზიტით გერმანელმა დეპუტატებმა ქართული და საერთაშორისო კანონმდებლობა დაარღვიეს, რასაც გერმანულ მხარესთან კომუნიკაციის შემდეგ შესაბამისი რეაგირება მოჰყვება. 

"საგარეო საქმეთა სამინისტრო პრევენციულ რეჟიმში მუშაობდა ყველა საერთაშორისო პარტნიორთან, განსაკუთრებით იმ ქვეყნებთან, რომლებზეც გაიჟღერა გარკვეულმა ინფორმაციამ, რომ მათი წარმომადგენლები აფხაზეთის თვითაღიარებული რეჟიმის ე.წ. "საპრეზიდენტო არჩევნებში" ე.წ. დამკვირვებლის სტატუსით იქნებოდნენ. მინდა გითხრათ, რომ გაცილებით მეტი შეიძლებოდა ყოფილიყო ციფრი ე.წ. დამკვირვებლებისა, რომ არა ჩვენი აქტიური მუშაობა და პრევენციული ღონისძიებები. რაც შეეხება კონკრეტულ დეპუტატებს გერმანიიდან - ეს არჩევნები არ არის ლეგიტიმური, რაც თავისთავად გამორიცხავს იმ ადამიანების ლეგიტიმაციას, რომლებიც იქ ე.წ. "დამკვირვებლის" სტატუსით იმყოფებოდნენ. გარდა ამისა, მათ არ ჰქონდათ არანაირი კომპეტენცია, უფლებამოსილება და სტატუსი იმ სტრუქტურებიდან, რომლებსაც ისინი, ასე ვთქვათ, წარმოადგენდნენ. შესაბამისად, ეს იყო მათი პირადი ვიზიტი. ჩვენ ვიცით, რომ ეს ადამიანები, მათი პარტიის ორიენტაციიდან გამომდინარე, ეს გახლავთ ულტრამემარჯვენე პარტია, იმყოფებიან რუსული გავლენის ქვეშ, რასაც ისიც მოწმობს, რომ დაფინანსება მათი ვიზიტისა აფხაზეთის რეგიონში განხორციელდა რუსული მხარის მიერ. მიუხედავად იმისა, რომ კონკრეტულად ეს დეპუტატები გაფრთხილებული იყვნენ , რომ ისინი ოკუპირებულ რეგიონში ჩასვლით დაარღვევდნენ როგორც ქართულ, ასევე საერთაშორისო კანონმდებლობას. ამ ფაქტთან დაკავშირებით, ყველა შესაძლო შედეგებზე გერმანულ მხარესთან შემდგომი კომუნიკაცია გვექნება და ყველა ფაქტორის გათვალისწინებით მოხდება შესაბამისი რეაგირება ქართული მხარის მიერ", - განაცხადა ვლადიმერ კონსტანტინიდმა.

შეგახსენებთ, რომ 25 აგვისტოს, აფხაზეთის ოკუპირებულ ტერიტორიაზე გამართულ ე.წ. საპრეზიდენტო არჩევნებში „დამკვირვებლის“ სტატუსით გერმანიის ბუნდესტაგის ორი დეპუტატი ჩავიდა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს